عبدالملک بن منہال اپنے والد رضی اللہ عنہ کا یہ بیان نقل کرتے ہیں کہ وہ نبی اکرم صلی اللہ علیہ وسلم کے ساتھ تھے، وہ بیان کرتے ہیں کہ نبی اکرم صلی اللہ علیہ وسلم روشن دنوں کے روزے رکھنے کا حکم دیتے تھے، آپ صلی اللہ علیہ وسلم یہ فرماتے تھے: ”یہ ہمیشہ روزہ رکھنے کے مترادف ہے (یعنی پورا مہینہ روزہ رکھنے کے مترادف ہے)۔“ (امام ابن حبان رحمہ اللہ فرماتے ہیں:) منہال نامی راوی ملحان قیسی کے صاحب زادے ہیں، یہ صحابیِ رسول صلی اللہ علیہ وسلم ہیں، صحابہ کرام رضی اللہ عنہم میں ان کے علاوہ اور کسی کا نام منہال نہیں ہے۔ [صحیح ابن حبان/كِتَابُ الصَّوْمِ/حدیث: 3651]