سیدہ عائشہ صدیقہ رضی اللہ عنہا بیان کرتی ہیں کہ ایک مرتبہ نبی اکرم صلی اللہ علیہ وسلم نے اعتکاف کا ارادہ فرمایا۔ سیدہ عائشہ رضی اللہ عنہا نے آپ صلی اللہ علیہ وسلم سے اجازت مانگی کہ وہ بھی آپ کے ہمراہ اعتکاف کریں، نبی اکرم صلی اللہ علیہ وسلم نے انہیں اجازت دے دی، تو سیدہ عائشہ رضی اللہ عنہا نے اپنا خیمہ لگوا لیا۔ سیدہ حفصہ رضی اللہ عنہا نے آپ صلی اللہ علیہ وسلم سے اجازت مانگی کہ وہ بھی آپ کے ہمراہ اعتکاف کریں، جب سیدہ زینب رضی اللہ عنہا نے یہ بات دیکھی، تو انہوں نے بھی اپنا خیمہ ساتھ لگوا لیا، وہ مزاج کی تیز خاتون تھیں۔ جب نبی اکرم صلی اللہ علیہ وسلم نے ان خواتین کے خیمے دیکھے، تو نبی اکرم صلی اللہ علیہ وسلم نے دریافت فرمایا: ”کیا ان خواتین نے ان کے ذریعے نیکی کا ارادہ کیا ہے؟“ پھر نبی اکرم صلی اللہ علیہ وسلم نے اعتکاف کو ترک کر دیا، یہاں تک کہ جب رمضان کا مہینہ گزر گیا، تو آپ صلی اللہ علیہ وسلم نے شوال میں بیس (20) دن اعتکاف کیا۔ [صحیح ابن حبان/كِتَابُ الصَّوْمِ/حدیث: 3667]