سیدہ فاطمہ بنت ابی حبیش رضی اللہ عنہا سے روایت ہے کہ انہیں استحاضہ ہوتا تھا تو نبی کریم صلی اللہ علیہ وسلم نے ان سے فرمایا ”جب حیض کا خون آئے اور یہ سیاہ رنگ کا ہوتا ہے اور پہچانا جاتا ہے، تو جب یہ شروع ہو تو نماز سے رک جاؤ اور جب دوسرا ہو تو وضو کرو اور نماز پڑھو۔“ امام ابوداؤد رحمہ اللہ نے بیان کیا کہ ابن مثنیٰ نے کہا کہ ہمیں یہ حدیث ابن ابی عدی نے اپنے حفظ سے بیان کی تو اس کی سند میں سیدہ عائشہ رضی اللہ عنہا کا اضافہ کیا (یعنی عروہ عن عائشہ رضی اللہ عنہا عن فاطمہ رضی اللہ عنہا)۔ امام ابوداؤد رحمہ اللہ نے کہا: علاء بن مسیب اور شعبہ رحمہ اللہ سے مروی ہے (دونوں) حکم سے وہ ابو جعفر رحمہ اللہ سے روایت کرتے ہیں۔ علاء نے مرفوعاً نبی کریم صلی اللہ علیہ وسلم سے اور شعبہ نے ابو جعفر رحمہ اللہ سے موقوفاً بیان کیا ”وہ ہر نماز کے لیے وضو کرے۔“ [سنن ابي داود/كِتَاب الطَّهَارَةِ/حدیث: 304]