سیدنا انس بن مالک رضی اللہ عنہ بیان کرتے ہیں کہ ایک شخص نبی اکرم صلی اللہ علیہ وسلم کی خدمت میں حاضر ہوا، اس نے شراب پی تھی، تو نبی اکرم صلی اللہ علیہ وسلم کے حکم کے تحت اسے چالیس جوتے مارے گئے، پھر سیدنا ابوبکر رضی اللہ عنہ کے عہد میں ایک شخص کو لایا گیا جس نے شراب پی تھی تو سیدنا ابوبکر رضی اللہ عنہ نے بھی اسے یہی سزا دی، پھر سیدنا عمر رضی اللہ عنہ کے عہد میں ایک شخص کو لایا گیا جس نے شراب پی تھی تو سیدنا عمر رضی اللہ عنہ نے اس بارے میں لوگوں سے مشورہ کیا تو سیدنا عبدالرحمن بن عوف رضی اللہ عنہ نے فرمایا: سب سے ہلکی حد 80 کوڑے ہے، تو سیدنا عمر رضی اللہ عنہ نے اس شخص کو 80 کوڑے لگوائے۔ [صحیح ابن حبان/كِتَابُ الحُدُودِ/حدیث: 4450]