سیدنا جابر بن عبداللہ رضی اللہ عنہما بیان کرتے ہیں کہ ایک غلام نے نبی اکرم صلی اللہ علیہ وسلم کے دستِ اقدس پر ہجرت کی بیعت کی، پھر اس کا مالک اسے تلاش کرتا ہوا نبی اکرم صلی اللہ علیہ وسلم کی خدمت میں حاضر ہوا۔ راوی بیان کرتے ہیں کہ نبی اکرم صلی اللہ علیہ وسلم نے دو سیاہ فام غلاموں کے عوض میں اس غلام کو خرید لیا، اس کے بعد آپ صلی اللہ علیہ وسلم نے کسی بھی شخص کی بیعت اس وقت تک نہیں کی جب تک اس سے پہلے آپ صلی اللہ علیہ وسلم یہ دریافت نہیں کر لیتے تھے کہ ”کیا وہ غلام ہے؟“ [صحیح ابن حبان/كِتَابُ السِّيَرِ/حدیث: 4550]