سیدنا عبداللہ بن عمرو رضی اللہ عنہما روایت کرتے ہیں کہ نبی اکرم صلی اللہ علیہ وسلم نے ارشاد فرمایا: ”بے شک اللہ تعالیٰ اس علم کو اس طرح نہیں اٹھائے گا کہ اسے (لوگوں کے سینوں سے) الگ کر لے، بلکہ وہ علماء کو اٹھانے کے ذریعے علم کو اٹھا لے گا، یہاں تک کہ جب وہ کسی عالم کو باقی نہیں رہنے دے گا تو لوگ جاہلوں کو اپنا پیشوا بنا لیں گے، ان لوگوں سے سوال کیے جائیں گے تو وہ علم نہ ہونے کے باوجود فتویٰ دیں گے، وہ خود بھی گمراہ ہوں گے اور دوسروں کو بھی گمراہ کریں گے۔“ (راوی بیان کرتے ہیں) اس کے ایک سال بعد سیدنا عبداللہ بن عمرو رضی اللہ عنہما سے میری ملاقات ہوئی تو انہوں نے پھر مجھے یہی حدیث بیان کی۔ [صحیح ابن حبان/كِتَابُ السِّيَرِ/حدیث: 4571]