صفوان بن یعلی بن امیہ اپنے والد (یعلی بن امیہ رضی اللہ عنہ) کا یہ بیان نقل کرتے ہیں کہ نبی اکرم صلی اللہ علیہ وسلم نے مجھ سے فرمایا: ”جب میرا پیغام رساں تمہارے پاس آئے تو تم اسے تیس اونٹ (راوی کو شک ہے شاید یہ الفاظ ہیں) تیس زرہیں ادا کر دینا (راوی کو شک ہے شاید یہ الفاظ ہیں) اس کے حوالے کر دینا۔“ تو میں نے دریافت کیا: یا رسول اللہ صلی اللہ علیہ وسلم ! کیا یہ عارضی طور پر ہیں، جنہیں ادا کر دیا جائے گا؟ نبی اکرم صلی اللہ علیہ وسلم نے فرمایا: ”ہاں۔“ [صحیح ابن حبان/كِتَابُ السِّيَرِ/حدیث: 4720]