سیدنا عبداللہ بن عمر رضی اللہ عنہما بیان کرتے ہیں کہ نبی اکرم صلی اللہ علیہ وسلم نے جنگِ موتہ کے موقع پر سیدنا زید بن حارث رضی اللہ عنہ کو امیر مقرر کیا اور آپ صلی اللہ علیہ وسلم نے ارشاد فرمایا: ”اگر زید شہید ہو جائے تو جعفر امیر ہو گا اور اگر جعفر شہید ہو جائے تو عبداللہ بن رواحہ امیر ہو گا۔“ سیدنا عبداللہ رضی اللہ عنہما بیان کرتے ہیں: میں اس جنگ میں ان لوگوں کے ساتھ تھا۔ ہم نے سیدنا جعفر بن ابوطالب رضی اللہ عنہ کو تلاش کیا، تو ہمیں وہ مقتولین میں ملے، ہمیں ان کے جسم پر ستر سے زیادہ ضربوں اور تیروں کے نشان ملے۔ [صحیح ابن حبان/كِتَابُ السِّيَرِ/حدیث: 4741]