سیدنا عبداللہ بن عمر رضی اللہ عنہما بیان کرتے ہیں: ایک مرتبہ سیدنا عمر بن خطاب رضی اللہ عنہ (بازار) گئے انہوں نے استبرق سے بنا ہوا ایک حلہ بازار میں فروخت ہوتے ہوئے دیکھا تو وہ نبی اکرم صلی اللہ علیہ وسلم کی خدمت میں حاضر ہوئے۔ انہوں نے عرض کی: یا رسول اللہ ( صلی اللہ علیہ وسلم )! آپ اسے خرید لیجئے اور جمعہ کے دن اور جب عفو آپ کی بارگاہ میں حاضر ہوں۔ اس دن اسے زیب تن کر لیا کریں۔ نبی اکرم صلی اللہ علیہ وسلم نے ارشاد فرمایا: اسے وہ شخص پہنے گا، جس کا آخرت میں کوئی حصہ نہیں ہو گا۔ راوی بیان کرتے ہیں: پھر نبی اکرم صلی اللہ علیہ وسلم کی خدمت میں اسی قسم کے تین حلے پیش کئے گئے تو آپ نے سیدنا عمر رضی اللہ عنہ کو ان میں سے ایک حلہ عطا کیا۔ ایک عدد سیدنا علی رضی اللہ عنہ کو عطا کیا اور ایک سیدنا اسامہ رضی اللہ عنہ کو عطا کیا۔ سیدنا عمر رضی اللہ عنہ آپ کی خدمت میں حاضر ہوئے۔ انہوں نے عرض کی: یا رسول اللہ صلی اللہ علیہ وسلم آپ نے تو اس کے بارے میں فلاں بات ارشاد فرمائی تھی اب آپ نے یہ میری طرف بھیج دیا ہے۔ نبی اکرم صلی اللہ علیہ وسلم نے ارشاد فرمایا: تم اسے فروخت کرو اور اس کے ذریعے اپنی ضروریات کو پورا کرو یا پھر اسے کاٹ کر اپنی بیویوں کی چادریں بنوا دو۔ [صحیح ابن حبان/كِتَابُ الهِبَةِ/حدیث: 5113]