سیدنا عقبہ بن عامر رضی اللہ عنہ بیان کرتے ہیں کہ لوگوں نے عرض کی: ”یا رسول اللہ صلی اللہ علیہ وسلم ! ہم کسی قوم کے ہاں پڑاؤ کرتے ہیں اور وہ ہماری مہمان نوازی نہیں کرتے تو اس بارے میں آپ کی کیا رائے ہے؟“ نبی اکرم صلی اللہ علیہ وسلم نے ارشاد فرمایا: ”اگر تم کسی قوم کے ہاں پڑاؤ کرو تو اگر وہ تمہارے لیے اس چیز کا حکم دیں جو مہمان کے لیے مناسب ہوتی ہے تو اسے قبول کر لو اور اگر وہ ایسا نہیں کرتے تو تم ان سے مہمان کا وہ حق حاصل کرو جو مہمان کے لیے ہونا چاہیے۔“ [صحیح ابن حبان/كِتَابُ الأَطْعِمَةِ/حدیث: 5288]