سیدنا انس بن مالک رضی اللہ عنہ بیان کرتے ہیں کہ میرے ایک چچا نے نبی اکرم صلی اللہ علیہ وسلم کے لیے کھانا تیار کر لیا اور انہوں نے گزارش کی کہ میں یہ چاہتا ہوں کہ آپ میرے گھر میں کھانا کھائیں اور وہاں نماز ادا کریں، تو نبی اکرم صلی اللہ علیہ وسلم ان کے ہاں تشریف لائے، وہاں گھر میں ایک چٹائی تھی۔ نبی اکرم صلی اللہ علیہ وسلم کے حکم کے تحت اس کی ایک طرف جھاڑو دی گئی پھر وہاں پانی چھڑکا گیا، تو نبی اکرم صلی اللہ علیہ وسلم نے وہاں نماز ادا فرمائی اور ہم نے بھی آپ کی اقتدا میں نماز ادا کی۔ [صحیح ابن حبان/كِتَابُ الأَطْعِمَةِ/حدیث: 5295]