سیدنا ابوہریرہ رضی اللہ عنہ بیان کرتے ہیں کہ نبی اکرم صلی اللہ علیہ وسلم کی خدمت میں جب کوئی کھانا آتا تو آپ صلی اللہ علیہ وسلم اس کے بارے میں دریافت کر لیتے تھے، اگر یہ بتایا جاتا کہ یہ تحفہ ہے تو آپ صلی اللہ علیہ وسلم اور ہم اسے کھا لیتے تھے اور اگر یہ بتایا جاتا کہ یہ صدقہ ہے تو آپ صلی اللہ علیہ وسلم یہ فرماتے تھے: ”تم لوگ اسے کھا لو“، نبی اکرم صلی اللہ علیہ وسلم خود اسے نہیں کھاتے تھے۔ [صحیح ابن حبان/كِتَابُ التَّارِيخِ/حدیث: 6382]