سیدنا انس بن مالک رضی اللہ عنہ بیان کرتے ہیں کہ نبی اکرم صلی اللہ علیہ وسلم نہ بہت زیادہ لمبے تھے اور نہ ہی بہت زیادہ چھوٹے قد کے تھے، آپ صلی اللہ علیہ وسلم نہ تو زیادہ گورے تھے اور نہ ہی گندمی رنگت کے تھے، آپ کے بال نہ تو بالکل گھنگھریالے تھے اور نہ بالکل سیدھے تھے۔ اللہ تعالیٰ نے آپ کو چالیس برس کی عمر میں مبعوث فرمایا، آپ صلی اللہ علیہ وسلم نے دس سال مکہ میں گزارے اور دس سال مدینہ منورہ میں گزارے، ساٹھ سال کی عمر میں اللہ تعالیٰ نے آپ کو وفات دی، اس وقت آپ کے سر مبارک اور داڑھی مبارک میں بیس سفید بال بھی نہ تھے (یعنی ان سے کم تھے)۔ [صحیح ابن حبان/كِتَابُ التَّارِيخِ/حدیث: 6387]