سیدنا ابوہریرہ رضی اللہ عنہ روایت کرتے ہیں کہ نبی اکرم صلی اللہ علیہ وسلم نے ارشاد فرمایا: ”قیامت اس وقت تک قائم نہیں ہوگی جب تک دوس قبیلے کی عورتوں کی سرین ذوالخلصہ کے اردگرد گھومے گی نہیں۔“ (راوی کہتے ہیں:) یہ ایک بت تھا، زمانہ جاہلیت میں دوس قبیلے کے لوگ اس کی عبادت کرتے تھے، یہ بت تبالہ کے مقام پر تھا۔ معمر نامی راوی کہتے ہیں: اب اس جگہ پر ایک عمارت تعمیر ہوئی ہے جو بند ہے۔ [صحیح ابن حبان/كِتَابُ التَّارِيخِ/حدیث: 6749]