سیدنا حذیفہ رضی اللہ عنہ بیان کرتے ہیں کہ نبی اکرم صلی اللہ علیہ وسلم کی خدمت میں نجران کے دو پادری (یا راہب) عاقب اور سید آئے، انہوں نے کہا کہ آپ صلی اللہ علیہ وسلم ہمارے ساتھ کسی ایسے امین شخص کو بھیجیں جو واقعی امین ہو، تو نبی اکرم صلی اللہ علیہ وسلم نے ارشاد فرمایا: ”میں تمہارے ساتھ امین شخص کو بھیجوں گا“۔ نبی اکرم صلی اللہ علیہ وسلم کے اصحاب اس کے لیے متوجہ ہوئے، تو نبی اکرم صلی اللہ علیہ وسلم نے فرمایا: ”اے ابوعبیدہ بن جراح رضی اللہ عنہ! تم اٹھ جاؤ“، تو نبی اکرم صلی اللہ علیہ وسلم نے انہیں ان لوگوں کے ساتھ بھیج دیا۔ [صحیح ابن حبان/كِتَابُ إِخْبَارِهِ ﷺ عَنْ مَنَاقِبِ الصَّحَابَةِ رِجَالِهِمْ وَنِسَائِهِمْ بِذِكْرِ أَسْمَائِهِمْ رِضْوَانُ اللَّهِ عَلَيْهِمْ أَجْمَعِينَ/حدیث: 7000]