عبداللہ بن کعب بیان کرتے ہیں: میں اپنے والد (سیدنا کعب بن مالک رضی اللہ عنہ) کی بینائی رخصت ہو جانے کے بعد انہیں ساتھ لے کر جایا کرتا تھا، وہ جب بھی جمعہ کے لیے اذان کی آواز سنتے تھے تو یہ کہتے تھے: «رَحِمَ اللّٰهُ أَسْعَدَ بْنَ زُرَارَةَ» ”اللہ تعالیٰ سیدنا اسعد بن زرارہ رضی اللہ عنہ پر رحم کرے۔“ میں نے کہا: اے ابا جان! مجھے اس بات پر حیرت ہوتی ہے کہ آپ جب بھی جمعہ کے لیے اذان سنتے ہیں تو آپ ابوامامہ (یعنی سیدنا اسعد بن زرارہ رضی اللہ عنہ) کے لیے دعائے رحمت کرتے ہیں، تو انہوں نے فرمایا: اے میرے بیٹے! وہ پہلے شخص ہیں جنہوں نے مدینہ منورہ میں بنو بیاضہ کی پتھریلی زمین میں نقیع میں، جسے خضمات کہا جاتا تھا، جمعہ قائم کیا تھا۔ میں نے دریافت کیا: اس وقت آپ لوگوں کی تعداد کتنی تھی؟ انہوں نے بتایا: ہم چالیس لوگ تھے۔ [صحیح ابن حبان/كِتَابُ إِخْبَارِهِ ﷺ عَنْ مَنَاقِبِ الصَّحَابَةِ رِجَالِهِمْ وَنِسَائِهِمْ بِذِكْرِ أَسْمَائِهِمْ رِضْوَانُ اللَّهِ عَلَيْهِمْ أَجْمَعِينَ/حدیث: 7013]