سیدنا انس رضی اللہ عنہ بیان کرتے ہیں کہ نبی اکرم صلی اللہ علیہ وسلم نے ارشاد فرمایا، جبکہ سیدنا سعد رضی اللہ عنہ کا جنازہ رکھا ہوا تھا (آپ صلی اللہ علیہ وسلم نے فرمایا): ”اس کے لیے رحمن کا عرش جھوم اٹھا ہے۔“ منافقین نے ان کے جنازے کے بارے میں یہ کہنا شروع کیا کہ یہ کتنا ہلکا ہے، اس بات کی اطلاع نبی اکرم صلی اللہ علیہ وسلم کو ملی تو آپ صلی اللہ علیہ وسلم نے فرمایا: ”لوگوں کے ساتھ اسے فرشتوں نے اٹھایا ہوا ہے۔“ [صحیح ابن حبان/كِتَابُ إِخْبَارِهِ ﷺ عَنْ مَنَاقِبِ الصَّحَابَةِ رِجَالِهِمْ وَنِسَائِهِمْ بِذِكْرِ أَسْمَائِهِمْ رِضْوَانُ اللَّهِ عَلَيْهِمْ أَجْمَعِينَ/حدیث: 7032]