یزید بن عمیرہ بیان کرتے ہیں کہ جب سیدنا معاذ بن جبل رضی اللہ عنہ کا آخری وقت قریب آیا، تو لوگوں نے کہا: اے ابو عبدالرحمن! آپ ہمیں تلقین کیجیے۔ انہوں نے فرمایا: تم لوگ مجھے بٹھا دو، پھر انہوں نے ارشاد فرمایا: عمل اور ایمان کا ماخذ ایک ہی ہے، جو شخص ان دونوں کو تلاش کرے گا وہ ان دونوں کو پا لے گا۔ علم اور ایمان کا مخصوص مقام ہے، جو شخص ان دونوں کو طلب کرے گا وہ ان دونوں کو پا لے گا، تم لوگ علم کو چار آدمیوں کے پاس تلاش کرو: ابودرداء رضی اللہ عنہ کے پاس، سلمان فارسی رضی اللہ عنہ کے پاس، عبداللہ بن مسعود رضی اللہ عنہ کے پاس اور عبداللہ بن سلام رضی اللہ عنہ کے پاس، جو پہلے یہودی تھے پھر مسلمان ہو گئے۔ میں نے نبی اکرم صلی اللہ علیہ وسلم کو یہ بات ارشاد فرماتے ہوئے سنا ہے: ”یہ دس آدمیوں میں سے وہ دسواں شخص ہے جو جنتی ہے۔“ [صحیح ابن حبان/كِتَابُ إِخْبَارِهِ ﷺ عَنْ مَنَاقِبِ الصَّحَابَةِ رِجَالِهِمْ وَنِسَائِهِمْ بِذِكْرِ أَسْمَائِهِمْ رِضْوَانُ اللَّهِ عَلَيْهِمْ أَجْمَعِينَ/حدیث: 7165]