سیدنا عمرو بن اخطب رضی اللہ عنہ بیان کرتے ہیں کہ ایک مرتبہ نبی اکرم صلی اللہ علیہ وسلم نے پانی طلب کیا، میں ایک برتن لے کر آپ صلی اللہ علیہ وسلم کی خدمت میں حاضر ہوا جس میں پانی موجود تھا اور اس میں بال بھی تھا، میں نے اسے اٹھایا اور اسے پکڑ لیا، نبی اکرم صلی اللہ علیہ وسلم میری طرف دیکھ رہے تھے، آپ صلی اللہ علیہ وسلم نے ارشاد فرمایا: «اللَّهُمَّ جَمِّلْهُ» ”اے اللہ! اسے جمال عطا کر۔“ راوی بیان کرتے ہیں کہ میں نے انہیں ترانوے (93) سال کی عمر میں دیکھا، اس وقت بھی ان کے سر اور داڑھی میں کوئی بال سفید نہیں تھا۔ [صحیح ابن حبان/كِتَابُ إِخْبَارِهِ ﷺ عَنْ مَنَاقِبِ الصَّحَابَةِ رِجَالِهِمْ وَنِسَائِهِمْ بِذِكْرِ أَسْمَائِهِمْ رِضْوَانُ اللَّهِ عَلَيْهِمْ أَجْمَعِينَ/حدیث: 7172]