سیدنا انس بن مالک رضی اللہ عنہ بیان کرتے ہیں کہ نبی اکرم صلی اللہ علیہ وسلم نے ارشاد فرمایا: ”تمہارے پاس کچھ لوگ آئیں گے جن کے دل انتہائی نرم ہوں گے۔“ تو اشعر قبیلے کے لوگ آ گئے، ان میں سیدنا ابوموسیٰ اشعری رضی اللہ عنہ بھی تھے، یہ وہ پہلے لوگ ہیں جنہوں نے اسلام میں مصافحہ کرنے کا آغاز کیا۔ جب یہ لوگ مدینہ منورہ کے قریب پہنچے تو یہ رجز پڑھ رہے تھے اور یہ کہہ رہے تھے: ”کل ہم اپنے محبوب لوگوں سے، یعنی سیدنا محمد صلی اللہ علیہ وسلم سے اور ان کے ساتھیوں سے ملاقات کریں گے۔“ [صحیح ابن حبان/كِتَابُ إِخْبَارِهِ ﷺ عَنْ مَنَاقِبِ الصَّحَابَةِ رِجَالِهِمْ وَنِسَائِهِمْ بِذِكْرِ أَسْمَائِهِمْ رِضْوَانُ اللَّهِ عَلَيْهِمْ أَجْمَعِينَ/حدیث: 7193]