سالم بن عبداللہ اپنے والد (سیدنا عبداللہ بن عمر رضی اللہ عنہما) کے حوالے سے نبی اکرم صلی اللہ علیہ وسلم کا یہ فرمان نقل کرتے ہیں: ”آخری زمانے میں حضرموت سے ایک آگ تم پر نکلے گی، جو لوگوں کو اکٹھا کر لے گی۔“ راوی کہتے ہیں: ہم نے عرض کی: یا رسول اللہ! پھر آپ ہمیں کیا حکم دیتے ہیں؟ نبی اکرم صلی اللہ علیہ وسلم نے فرمایا: ”تم شام میں رہنا۔“ (امام ابن حبان رحمہ اللہ فرماتے ہیں:) شام کا آغاز بالس ہے اور اس کا اختتام عریشِ مصر ہے۔ [صحیح ابن حبان/كِتَابُ إِخْبَارِهِ ﷺ عَنْ مَنَاقِبِ الصَّحَابَةِ رِجَالِهِمْ وَنِسَائِهِمْ بِذِكْرِ أَسْمَائِهِمْ رِضْوَانُ اللَّهِ عَلَيْهِمْ أَجْمَعِينَ/حدیث: 7305]