سیدنا ابوبرزہ اسلمی رضی اللہ عنہ بیان کرتے ہیں کہ نبی اکرم صلی اللہ علیہ وسلم نے کسی ایک شخص کو عرب کے ایک قبیلے کی طرف بھیجا (مجھے نہیں پتا کہ آپ صلی اللہ علیہ وسلم نے کیا ارشاد فرمایا تھا)، ان لوگوں نے اس شخص کو برا بھلا کہا اور ان کی پٹائی کی، وہ شخص نبی اکرم صلی اللہ علیہ وسلم کے پاس واپس آیا اور آپ صلی اللہ علیہ وسلم کے سامنے شکایت کی، تو نبی اکرم صلی اللہ علیہ وسلم نے فرمایا: ”اگر اہل عمان کے پاس میرا پیغام رساں آتا، تو وہ اسے برا نہ کہتے اور نہ ہی اس کی پٹائی کرتے۔“ [صحیح ابن حبان/كِتَابُ إِخْبَارِهِ ﷺ عَنْ مَنَاقِبِ الصَّحَابَةِ رِجَالِهِمْ وَنِسَائِهِمْ بِذِكْرِ أَسْمَائِهِمْ رِضْوَانُ اللَّهِ عَلَيْهِمْ أَجْمَعِينَ/حدیث: 7310]