اللہ عزوجل کے اس ارشاد کے بیان میں کہ: ”اور آپ انہیں آدم کے دو بیٹوں کی خبر حق کے ساتھ پڑھ کر سنائیے، جب ان دونوں نے (اللہ کے حضور) قربانی پیش کی تو ان میں سے ایک کی قربانی قبول کر لی گئی اور دوسرے کی قبول نہ کی گئی، اس (دوسرے) نے کہا: ”میں تجھے ضرور قتل کر دوں گا“، (پہلے نے) جواب دیا: ”اللہ تو صرف متقیوں ہی سے (عمل) قبول فرماتا ہے؛ اگر تو مجھے قتل کرنے کے لیے اپنا ہاتھ میری طرف بڑھائے گا تو میں تجھے قتل کرنے کے لیے اپنا ہاتھ تیری طرف ہرگز نہیں بڑھاؤں گا، بے شک میں اللہ سے ڈرتا ہوں جو تمام جہانوں کا رب ہے“۔“