🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب مسند أبي يعلى الموصلي اور المعجم الأوسط اردو عربی سرچ سہولت کے ساتھ پیش کر دی گئی ہے۔ News
مجمع الزاوئد ومنبع الفوائد سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

مجمع الزاوئد ومنبع الفوائد میں نمبر سے تلاش کل احادیث (18776)
حدیث نمبر لکھیں:
مجمع الزاوئد ومنبع الفوائد میں عربی لفظ/الفاظ تلاش کریں
عربی لفظ / الفاظ لکھیں:
مجمع الزاوئد ومنبع الفوائد میں اردو لفظ/الفاظ تلاش کریں
اردو لفظ / الفاظ لکھیں:

46. بَابُ إِذَا أُقِيمَتِ الصَّلَاةُ فَلَا يُصَلَّى غَيْرُهَا .
جب نماز کے لئے اقامت کہی جائے تو کوئی شخص نماز (باجماعت) کے علاوہ کوئی اور نماز ادا نہ کرے
اظهار التشكيل
حدیث نمبر: 1924
عَنْ أَبِي هُرَيْرَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -:" إِذَا أُقِيمَتِ الصَّلَاةُ فَلَا صَلَاةَ إِلَّا الَّتِي أُقِيمَتْ".
قُلْتُ: لَهُ فِي الصَّحِيحِ:" فَلَا صَلَاةَ إِلَّا الْمَكْتُوبَةُ" وَمُقْتَضَى هَذَا أَنَّهُ لَوْ لَمْ يُصَلِّ الظُّهْرَ وَأُقِيمَتْ صَلَاةُ الْعَصْرِ فَلَا يُصَلِّي إِلَّا الْعَصْرَ ; لِأَنَّهُ قَالَ:" فَلَا صَلَاةَ إِلَّا الَّتِي أُقِيمَتْ".
رَوَاهُ أَحْمَدُ وَالطَّبَرَانِيُّ فِي الْأَوْسَطِ، وَفِيهِ ابْنُ لَهِيعَةَ، وَفِيهِ كَلَامٌ.
سیدنا ابوہریرہ رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا ہے: ”جب نماز کھڑی ہو جائے تو جو نماز کھڑی ہوئی ہے، اس کے علاوہ کوئی اور نماز ادا نہیں کی جائے گی“۔ (علامہ ہیثمی فرماتے ہیں:) میں یہ کہتا ہوں: ”صحیح“ میں ان صحابی کے حوالے سے یہ الفاظ منقول ہیں: ”فرض نماز کے علاوہ کوئی نماز ادا نہیں کی جائے گی“۔ اس بات کا تقاضا یہ ہے کہ اگر اس شخص نے ظہر کی نماز ادا نہیں کی تھی اور عصر کی اقامت کہہ دی گئی، تو وہ صرف عصر کی نماز ہی ادا کرے گا کیونکہ نبی اکرم صلی اللہ علیہ وسلم نے یہ بات ارشاد فرمائی ہے: ”اس وقت جو نماز کھڑی ہوئی ہے، اس کے علاوہ اور کوئی نماز ادا نہیں کی جائے گی“۔
یہ روایت امام أحمد نے امام طبرانی نے معجم اوسط میں نقل کی ہے، اس کی سند میں ایک راوی ابن لہیعہ ہے، جس کے بارے میں کلام کیا گیا ہے۔ [مجمع الزاوئد ومنبع الفوائد/كِتَابُ الصَّلَاةِ/حدیث: 1924]
تخریج الحدیث: «أخرجه مسند أحمد برقم: 8409، 9563، وأخرجه سنن الدارمي برقم: 1448، وأخرجه سنن الترمذي برقم: 421، وأخرجه سنن النسائي برقم: 865، وأخرجه سنن أبي داود برقم: 1266، وأخرجه سنن ابن ماجه برقم: 1151»

الحكم على الحديث:
إسنادہ ضعیف
مزید تخریج الحدیث شرح دیکھیں
اظهار التشكيل
حدیث نمبر: 1925
وَعَنْ ابْنِ عَبَّاسٍ قَالَ: أُقِيمَتْ صَلَاةُ الصُّبْحِ فَقَامَ رَجُلٌ يُصَلِّي الرَّكْعَتَيْنِ فَجَذَبَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - بِثَوْبِهِ وَقَالَ:" أَتُصَلِّي الصُّبْحَ أَرْبَعًا؟".
رَوَاهُ أَحْمَدُ وَرِجَالُهُ رِجَالُ الصَّحِيحِ.
قُلْتُ: وَتَأْتِي أَحَادِيثُ مِنْ هَذَا إِنْ شَاءَ اللَّهُ فِي الْإِقَامَةِ وَفِي الْأَوْقَاتِ الَّتِي تُكْرَهُ فِيهَا وَقَوْلِهِ:" إِذَا أُقِيمَتِ الصَّلَاةُ فَلَا تَقُومُوا حَتَّى تَرَوْنِي"، وَاسْتِئْذَانِ الْمُؤَذِّنِ الْإِمَامَ.
سیدنا عبداللہ بن عباس رضی اللہ عنہما بیان کرتے ہیں: صبح کی نماز کے لئے اقامت کہی گئی ایک شخص کھڑا ہو کر دو رکعات ادا کرنے لگا، تو نبی اکرم صلی اللہ علیہ وسلم نے اس کے کپڑے کو کھینچا اور فرمایا: کیا تم صبح کی نماز میں چار رکعات ادا کرو گے؟
یہ روایت امام أحمد نے نقل کی ہے، اور اس کے رجال ”صحیح“ کے رجال ہیں۔ (علامہ ہیثمی فرماتے ہیں:) میں یہ کہتا ہوں: اس بارے میں احادیث اقامت اور نماز کے مکروہ اوقات، نبی اکرم صلی اللہ علیہ وسلم کے اس فرمان: ”جب نماز کے لئے اقامت کہہ دی جائے تو تم لوگ اس وقت تک کھڑے نہ ہو جب تک تم مجھے دیکھ نہیں لیتے“ اور مؤذن کا امام سے اجازت لینا، سے متعلق باب میں آئیں گی، اگر اللہ نے چاہا۔ [مجمع الزاوئد ومنبع الفوائد/كِتَابُ الصَّلَاةِ/حدیث: 1925]
تخریج الحدیث: «أخرجه صحيح البخاري برقم: 632، وأخرجه صحيح مسلم برقم: 711، وأخرجه سنن النسائي برقم: 867، وأخرجه سنن ابن ماجه برقم: 1153، وأخرجه مسند أحمد برقم: 2131، 27712، وأخرجه سنن الدارمي برقم: 1449، وأخرجه فتح الباري برقم: 632، وأخرجه المستدرك على الصحيحين برقم: 1195، وأخرجه إتحاف الخيرة المهرة بزوائد المسانيد العشرة برقم: 928/1، وأخرجه المعجم الأوسط للطبراني برقم: 1603، وأخرجه المعجم الصغير للطبراني برقم: 43»

الحكم على الحديث:
إسنادہ صحیح
مزید تخریج الحدیث شرح دیکھیں