الحمدللہ ! آج حدیث مبارک کی دو نئی کتب إتحاف الخيرة المهرة اور فضائل الصحابة اردو عربی سرچ سہولت کے ساتھ پیش کر دی گئی ہے۔
إتحاف الخيرة المهرة بزوائد المسانيد العشرة سے متعلقہ
تمام کتب
ترقیم شاملہ
عربی
اردو
383. باب في مرض عائشة رضي الله عنها
سیدہ عائشہ رضی اللہ عنہا کی بیماری کا بیان۔
حدیث نمبر: 1804
عَنْ ذَكْوَانَ : "أَنَّ ابْنَ عَبَّاسٍ جَاءَ لِيَسْتَأْذِنَ عَلَى عَائِشَةَ وَهِيَ فِي الْمَوْتِ، قَالَ: فَجِئْتُ وَعِنْدَ رَأْسِهَا عَبْدُ اللَّهِ بْنُ عَبْدِ الرَّحْمَنِ بْنِ أَبِي بَكْرٍ، فَقُلْتُ: هَذَا ابْنُ عَبَّاسٍ جَاءَ لِيَسْتَأْذِنَ عَلَيْكِ. قَالَتْ: دَعْنِي مِنِ ابْنِ عَبَّاسٍ فَلَا حَاجَةَ لِي بِهِ وَلَا بِتَزْكِيَتِهِ. قَالَ: فَقَالَ عَبْدُ اللَّهِ: يَا أُمَتَّاهُ، إِنَّ عَبْدَ اللَّهِ بْنَ عَبَّاسٍ مِنْ صَالِحِي بَنِيكِ يُرِيدُ أَنْ يُسَلِّمَ عَلَيْكِ. قَالَتْ: فَائْذَنْ لَهُ إِنْ شِئْتَ. قَالَ: فَجَاءَ ابْنُ عَبَّاسٍ فَقَعَدَ فَقَالَ: أَبْشِرِي فَوَاللَّهِ مَا بَيْنَكِ وَبَيْنَ أَنْ تُفَارِقِي كُلَّ نَصَبٍ وَتَلْقَيْ مُحَمَّدًا صَلَّى اللَّهُ عَلَيْهِ وَسَلَّمَ وَالْأَحِبَّةَ إِلَّا أَنْ تُفَارِقَ رُوحُكِ جَسَدَكِ. فَقَالَتْ: أَيْضًا يَا ابْنَ عَبَّاسٍ . قَالَ: كُنْتِ أَحَبَّ نِسَاءِ رَسُولِ اللَّهِ صَلَّى اللَّهُ عَلَيْهِ وَسَلَّمَ إِلَى رَسُولِ اللَّهِ صَلَّى اللَّهُ عَلَيْهِ وَسَلَّمَ وَلَمْ يَكُنْ يُحِبُّ رَسُولُ اللَّهِ صَلَّى اللَّهُ عَلَيْهِ وَسَلَّمَ إِلَّا طَيِّبًا، سَقَطَتْ قِلَادَتُكِ لَيْلَةَ الْأَبْوَاءِ فَأَصْبَحَ رَسُولُ اللَّهِ صَلَّى اللَّهُ عَلَيْهِ وَسَلَّمَ فِي الْمَنْزِلِ يَلْتَقِطُهَا وَأَصْبَحَ النَّاسُ لَيْسَ مَعَهُمْ مَاءٌ، فَأَنْزَلَ اللَّهُ - عَزَّ وَجَلَّ - أَنْ يَتَيَمَّمُوا صَعِيدًا طَيِّبًا، فَكَانَ ذَلِكَ مِنْ سَبِيلِ مَا أَنْزَلَ اللَّهُ لِهَذِهِ الْأُمَّةِ مِنَ الرَّحْمَةِ، ثُمَّ أَنْزَلَ اللَّهُ - عَزَّ وَجَلَّ - بَرَاءَتَكِ مِنْ فَوْقِ سَبْعِ سَمَوَاتٍ، فَأَصْبَحَ لَيْسَ مَسْجِدٌ مِنْ مَسَاجِدِ اللَّهِ يُذْكَرُ اللَّهُ - عَزَّ وَجَلَّ - فِيهِ إِلَّا تُتْلَى فِيهِ بَرَاءَتُكِ آنَاءَ اللَّيْلِ وَآنَاءَ النَّهَارِ. قَالَتْ: دَعْنِي يَا ابْنَ عَبَّاسٍ ، فَوَاللَّهِ لَوَدَدْتُ أَنِّي كُنْتُ نَسْيًا مَنْسِيًّا".
رَوَاهُ أَبُو يَعْلَى الْمَوْصِلِيُّ.
رَوَاهُ أَبُو يَعْلَى الْمَوْصِلِيُّ.
ذکوان رحمہ اللہ سے روایت ہے کہ سیدنا ابن عباس رضی اللہ عنہما، سیدہ عائشہ رضی اللہ عنہا کی وفات کے وقت ان سے ملاقات کی اجازت طلب کرنے حاضر ہوئے، وہ بیان کرتے ہیں کہ میں حاضر ہوا تو ان کے سرہانے عبداللہ بن عبدالرحمن بن ابی بکر موجود تھے، میں نے عرض کیا: ”یہ سیدنا ابن عباس رضی اللہ عنہما تشریف لائے ہیں اور آپ کی خدمت میں حاضری کی اجازت چاہتے ہیں“، سیدہ رضی اللہ عنہا نے فرمایا: ”مجھے ابن عباس سے دور ہی رکھو، مجھے نہ ان کی ضرورت ہے اور نہ ہی ان کی تعریف و توصیف کی“، اس پر عبداللہ نے عرض کیا: ”اے میری ماں! سیدنا عبداللہ بن عباس رضی اللہ عنہما آپ کے صالح فرزندوں میں سے ہیں، وہ آپ کو سلام کرنا چاہتے ہیں“، سیدہ نے فرمایا: ”اگر تمہاری یہی منشا ہے تو انہیں اجازت دے دو“، چنانچہ سیدنا ابن عباس رضی اللہ عنہما تشریف لائے اور بیٹھ کر عرض کیا: ”آپ کو بشارت ہو! اللہ کی قسم! آپ کی تمام تر مشقتوں سے جدائی اور حضرت محمد صلی اللہ علیہ وسلم اور دیگر محبوب ہستیوں سے ملاقات کے درمیان بس اتنا ہی فاصلہ ہے کہ آپ کی روح آپ کے جسم سے جدا ہو جائے“، سیدہ رضی اللہ عنہا نے فرمایا: ”اے ابن عباس! کچھ اور کہیے“، انہوں نے عرض کیا: ”آپ رسول اللہ صلی اللہ علیہ وسلم کی تمام ازواج میں سے آپ صلی اللہ علیہ وسلم کو سب سے زیادہ محبوب تھیں اور رسول اللہ صلی اللہ علیہ وسلم ہمیشہ پاکیزہ چیز ہی سے محبت فرماتے تھے، مقامِ ابواء پر آپ کا ہار گم ہو گیا تھا تو رسول اللہ صلی اللہ علیہ وسلم نے اسے تلاش کرنے کے لیے وہاں قیام فرمایا اور صبح ہوئی تو لوگوں کے پاس پانی نہ تھا، اس موقع پر اللہ عزوجل نے یہ حکم نازل فرمایا ﴿فَتَيَمَّمُوا صَعِيدًا طَيِّبًا﴾ ”پس تم پاک مٹی سے تیمم کر لیا کرو“، چنانچہ یہ اس رحمت کا ایک سبب تھا جو اللہ تعالیٰ نے اس امت کے لیے نازل فرمائی، پھر اللہ عزوجل نے سات آسمانوں کے اوپر سے آپ کی براءت نازل فرمائی، اب اللہ کی مساجد میں سے کوئی ایسی مسجد نہیں ہے جہاں اللہ کا ذکر ہوتا ہو مگر وہاں دن رات کے مختلف اوقات میں آپ کی پاکدامنی کی آیات تلاوت کی جاتی ہیں“، یہ سن کر سیدہ رضی اللہ عنہا نے فرمایا: ”اے ابن عباس! رہنے دیجیے، اللہ کی قسم! میں تو یہ چاہتی تھی کہ کاش میں «نَسْيًا مَنْسِيًّا» ”بالکل بھولی بسری اور گمنام چیز“ ہوتی“۔ اس حدیث کو امام ابو یعلیٰ موصلی نے روایت کیا ہے۔ [إتحاف الخيرة المهرة بزوائد المسانيد العشرة/كتاب الجنائز/حدیث: 1804]
تخریج الحدیث: «أبو يعلى (2648): عبيد الله بن عمر عن بشر بن المفضل عن عبد الله بن عثمان بن خثيم عن ابن أبي مليكة عن ذكوان. ابن خثيم: صدوق (التقريب)؛ وقال السناري: إسناده جيد»
«أخرجه مسند أحمد برقم: 2492، وأخرجه فتح الباري برقم: 4476، وأخرجه صحيح ابن حبان برقم: 7108»
«أخرجه مسند أحمد برقم: 2492، وأخرجه فتح الباري برقم: 4476، وأخرجه صحيح ابن حبان برقم: 7108»
الحكم على الحديث:
سكت عنه البوصيري، إسناده حسن، وأصل قصة استئذان ابن عباس على عائشة في صحيح البخاري