حضرت ابوذر رضی اللہ عنہ بیان کرتے ہیں کہ ”(ایک دفعہ) نبی صلی اللہ علیہ وسلم نے ساری رات ایک ہی آیت بار بار پڑھتے ہوئے گزار دی حتیٰ کہ صبح ہوگئی، اور وہ آیت یہ تھی: ﴿إِنْ تُعَذِّبْهُمْ فَإِنَّهُمْ عِبَادُكَ وَإِنْ تَغْفِرْ لَهُمْ فَإِنَّكَ أَنْتَ الْعَزِيزُ الْحَكِيمُ﴾ [سورة المائدة: 118] ”(اے میرے مولا!) اگر تو ان (بندوں) کو عذاب دے تو بے شک وہ تیرے غلام ہیں (چوں نہیں کرسکتے) اور اگر تو انھیں بخش دے تو بلاشبہ تو ہی غالب، حکمت والا ہے۔“ (کوئی تجھ پر اعتراض نہیں کرسکتا، نیز رحمت و مغفرت پر کیا اعتراض؟)“ [سنن نسائي/باب سجود القرآن/حدیث: 1011]