الحمدللہ! انگلش میں کتب الستہ سرچ کی سہولت کے ساتھ پیش کر دی گئی ہے۔
کتاب: مختلف ابواب کے بیان میں
حدیث نمبر: 1708 |
|
حضرت عروہ بن زبیر سے روایت ہے کہ رسول اللہ صلی اللہ علیہ وسلم اُم المؤمنین سیدنا اُم سلمہ رضی اللہ عنہا کے مکان میں گئے، اور گھر میں ایک لڑکا رو رہا تھا، لوگوں نے کہا: اس کو نظر لگ گئی ہے، آپ صلی اللہ علیہ وسلم نے فرمایا: ”منتر کیوں نہیں کرتے اس کے لئے۔“
تخریج الحدیث: «مرفوع صحيح، وأخرجه البخاري فى «صحيحه» برقم: 5739، ومسلم فى «صحيحه» برقم: 2197، وابن أبى شيبة فى «مصنفه» برقم: 24058، فواد عبدالباقي نمبر: 50 - كِتَابُ الْعَيْنِ-ح: 4»
37. بَابُ مَا جَاءَ فِي أَجْرِ الْمَرِيضِ
37. بیمار کے ثواب کا بیان
حدیث نمبر: 1709 |
|
حضرت عطاء بن یسار سے روایت ہے کہ رسول اللہ صلی اللہ علیہ وسلم نے فرمایا: ”جب بندہ بیمار ہوتا ہے تو اللہ تعالیٰ اس کی طرف دو فرشتے بھیجتا ہے، اور فرماتا ہے کہ دیکھتے رہو وہ کیا کہتا ہے ان لوگوں سے جو اس کی بیمار پرسی کو آتے ہیں۔ اگر وہ ان کے سامنے اللہ جل جلالہُ کی تعریف اور ستائش کرتا ہے تو وہ دونوں فرشتے اوپر چڑھ جاتے ہیں اللہ جل جلالہُ کے پاس، اور وہ خوب جانتا ہے مگر پوچھتا ہے، بعد اس کے فرماتا ہے: اگر میں اپنے بندے کو اپنے پاس بلا لوں گا تو اس کو جنت میں داخل کروں گا، اور جو شفا دوں گا تو پہلے سے اس کو زیادہ گوشت اور خون عنایت کروں گا، اور اس کے گناہوں کو معاف کر دوں گا۔“
تخریج الحدیث: «مرفوع صحيح لغيره، وأخرجه البيهقي فى «شعب الايمان» برقم: 9941، 9942، والحاكم فى «مستدركه» برقم: 1290، فواد عبدالباقي نمبر: 50 - كِتَابُ الْعَيْنِ-ح: 5»
حدیث نمبر: 1710 |
|
اُم المؤمنین سیدہ عائشہ رضی اللہ عنہا سے روایت ہے کہ فرمایا رسول اللہ صلی اللہ علیہ وسلم نے: ”مؤمن کو کوئی رنج یا مصیبت لاحق نہیں ہوتی مگر یہ کہ اس کے گناہ (صغیرہ) معاف کئے جاتے ہیں، یہاں تک کہ کانٹا بھی اگر لگے تو اس کے گناہ معاف کئے جاتے ہیں۔“ یزید نے کہا: مجھے یہ یاد نہیں کہ عروہ نے «قُصَّ» اور «كُفِّرَ» میں سے کونسا لفظ استعمال کیا تھا۔
تخریج الحدیث: «مرفوع صحيح، وأخرجه البخاري فى «صحيحه» برقم: 5640، ومسلم فى «صحيحه» برقم: 2572، وابن حبان فى «صحيحه» برقم: 2906، 2919، 2925، والحاكم فى «مستدركه» برقم: 1282، 1288، 7996، والنسائي فى «الكبریٰ» برقم: 7443، 7444، 7445، 7487، والترمذي فى «جامعه» برقم: 965، والبيهقي فى «سننه الكبير» برقم: 6634، وأحمد فى «مسنده» برقم: 25080، فواد عبدالباقي نمبر: 50 - كِتَابُ الْعَيْنِ-ح: 6»
حدیث نمبر: 1711 |
|
سیدنا ابوہریرہ رضی اللہ عنہ سے روایت ہے کہ فرمایا رسول اللہ صلی اللہ علیہ وسلم نے: ”جس شخص کے ساتھ اللہ جل جلالہُ بہتری کرنا چاہتا ہے اس پر مصیبتیں ڈالتا ہے۔“
تخریج الحدیث: «مرفوع صحيح، وأخرجه البخاري فى «صحيحه» برقم: 5645، وابن حبان فى «صحيحه» برقم: 2907، والنسائي فى «الكبریٰ» برقم: 7478، وأحمد فى «مسنده» برقم: 7234، والبزار فى «مسنده» برقم: 8215، فواد عبدالباقي نمبر: 50 - كِتَابُ الْعَيْنِ-ح: 7»
حدیث نمبر: 1712 |
|
حضرت یحییٰ بن سعید سے روایت ہے کہ ایک شخص مر گیا رسول اللہ صلی اللہ علیہ وسلم کے زمانے میں، ایک شخص بولا: واہ! کیا اچھی موت ہوئی، نہ کچھ بیماری ہوئی نہ کچھ۔ آپ صلی اللہ علیہ وسلم نے فرمایا: ”بھلا یہ کیا کہتا ہے، تجھے کیا معلوم ہے کہ اگر اللہ جل جلالہُ اس کو کسی بیماری میں مبتلا کرتا تو اس کے گناہوں کو معاف کرتا۔“
تخریج الحدیث: «مرفوع ضعيف، انفرد به المصنف من هذا الطريق، فواد عبدالباقي نمبر: 50 - كِتَابُ الْعَيْنِ-ح: 8»
38. بَابُ التَّعَوُّذِ وَالرُّقْيَةِ مِنَ الْمَرَضِ
38. بیماری میں تعویذ منتر کرنے کا بیان
حدیث نمبر: 1713 |
|
سیدنا عثمان بن ابی العاص رضی اللہ عنہ سے روایت ہے کہ وہ رسول اللہ صلی اللہ علیہ وسلم کے پاس آئے، ان کے ایسا درد ہوتا تھا جس سے قریب ہلاکت کے تھے۔ آپ صلی اللہ علیہ وسلم نے فرمایا: ”داہنا ہاتھ اپنے درد کے مقام پر سات بار پھیر اور کہہ «أَعُوذُ بِعِزَّةِ اللّٰهِ وَقُدْرَتِهِ، مِنْ شَرِّ مَا أَجِدُ»، سیدنا عثمان بن ابی العاص رضی اللہ عنہ کہتے ہیں: میں نے یہی کہا، اللہ نے میرا درد دور کر دیا، پھر میں ہمیشہ اپنے گھر والوں کو اور دوسرے لوگوں کو اس کا حکم دیا کرتا۔
تخریج الحدیث: «مرفوع صحيح، أخرجه مسلم فى «صحيحه» برقم: 2202، ومالك فى «الموطأ» برقم:، وابن حبان فى «صحيحه» برقم: 2964، 2965، 2967، والحاكم فى «مستدركه» برقم: 1275، والنسائی فى «الكبریٰ» برقم: 7504، 7677، 10771، 10772، 10773، 10837، وأبو داود فى «سننه» برقم: 3891، والترمذي فى «جامعه» برقم: 2080، وابن ماجه فى «سننه» برقم: 3522، وأحمد فى «مسنده» برقم: 16376، والطبراني فى «الكبير» برقم: 8340، فواد عبدالباقي نمبر: 50 - كِتَابُ الْعَيْنِ-ح: 9»
حدیث نمبر: 1714 |
|
اُم المؤمنین سیدہ عائشہ رضی اللہ عنہا سے روایت ہے کہ رسول اللہ صلی اللہ علیہ وسلم جب بیمار ہوتے تو «﴿قُلْ هُوَ اللّٰهُ أَحَدٌ﴾» اور «﴿قُلْ أَعُوذُ بِرَبِّ الْفَلَقِ﴾» اور «﴿قُلْ أَعُوذُ بِرَبِّ النَّاسِ﴾» پڑھ کر اپنے اوپر پھونکتے۔ سیدہ عائشہ رضی اللہ عنہا نے کہا کہ جب آپ صلی اللہ علیہ وسلم بہت بیمار ہوئے تو میں ان سورتوں کو پڑھ کر آپ صلی اللہ علیہ وسلم کا داہنا ہاتھ آپ صلی اللہ علیہ وسلم کے جسمِ مبارک پر پھیرتی برکت کے واسطے۔
تخریج الحدیث: «مرفوع صحيح، وأخرجه البخاري فى «صحيحه» برقم: 4439، 5016، 5735، 5751، ومسلم فى «صحيحه» برقم: 2192، وابن حبان فى «صحيحه» برقم: 2963، 6590، والنسائی فى «الكبریٰ» برقم: 7049، 7488، وأبو داود فى «سننه» برقم: 3902، وابن ماجه فى «سننه» برقم: 3528، 3529، وأحمد فى «مسنده» برقم: 25235، وعبد الرزاق فى «مصنفه» برقم: 19785، وابن أبى شيبة فى «مصنفه» برقم: 24030، فواد عبدالباقي نمبر: 50 - كِتَابُ الْعَيْنِ-ح: 10»
حدیث نمبر: 1715 |
|
حضرت عمرہ بنت عبدالرحمٰن سے روایت ہے کہ سیدنا ابوبکر رضی اللہ عنہ سیدہ عائشہ رضی اللہ عنہا کے پاس آئے، وہ بیمار تھیں اور ایک یہودی عورت ان پر پڑھ کر پھونک رہی تھی۔ سیدنا ابوبکر رضی اللہ عنہ نے کہا: کلام اللہ پڑھ کر پھونک (توریت یا قرآن)۔
تخریج الحدیث: «موقوف ضعيف، وأخرجه البيهقي فى «سننه الكبير» برقم: 19602، 19603، والبيهقي فى «معرفة السنن والآثار» برقم: 5759، والبزار فى «مسنده» برقم:، وابن أبى شيبة فى «مصنفه» برقم: 24047، 30118، وابن حبان فى «صحيحه» برقم: 5098، فواد عبدالباقي نمبر: 50 - كِتَابُ الْعَيْنِ-ح: 11»
39. بَابُ تَعَالُجِ الْمَرِيضِ
39. بیمار کے علاج کا بیان
حدیث نمبر: 1716 |
|
سیدنا زید بن اسلم رضی اللہ عنہ سے روایت ہے کہ ایک شخص کو رسول اللہ صلی اللہ علیہ وسلم کے زمانے میں زخم لگا، اور خون وہاں آکر بھر گیا، تو اس شخص نے دو شخصوں کو بلایا بنی انمار میں سے، ان دونوں نے آکر دیکھا۔ رسول اللہ صلی اللہ علیہ وسلم نے ان سے کہا: ”تم دونوں میں سے کون طب زیادہ جانتا ہے؟“ وہ بولے: یا رسول اللہ صلی اللہ علیہ وسلم ! طب میں بھی کچھ فائدہ ہے، آپ صلی اللہ علیہ وسلم نے فرمایا: ”دوا بھی اسی نے اتاری ہے جس نے بیماری اتاری ہے۔“
تخریج الحدیث: «مرفوع ضعيف، وأخرجه ابن أبى شيبة فى «مصنفه» برقم: 23886، فواد عبدالباقي نمبر: 50 - كِتَابُ الْعَيْنِ-ح: 12»
حدیث نمبر: 1717 |
|
حضرت یحییٰ بن سعید سے روایت ہے کہ سعد بن زرارہ نے داغ لیا رسول اللہ صلی اللہ علیہ وسلم کے زمانے میں، خناق کی بیماری میں تو مر گئے۔
تخریج الحدیث: «مرفوع صحيح لغيره، وأخرجه الترمذي فى «جامعه» برقم: 2050، وابن ماجه فى «سننه» برقم: 3492، والحاكم فى «مستدركه» برقم: 7590، وأحمد فى «مسنده» برقم: 17511، وعبد الرزاق فى «مصنفه» برقم: 19515، والطبراني فى «الكبير» برقم: 5584، فواد عبدالباقي نمبر: 50 - كِتَابُ الْعَيْنِ-ح: 13»