الحمدللہ! انگلش میں کتب الستہ سرچ کی سہولت کے ساتھ پیش کر دی گئی ہے۔
احادیث 1 سے 200
63. مُدَارَاةُ النَّاسِ صَدَقَةٌ
63. لوگوں کی خاطر مدارت کرنا بھی صدقہ ہے
حدیث نمبر: 91 |
|
سیدنا جابر رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”لوگوں کی خاطر مدارت کرنا بھی صدقہ ہے۔“
تخریج الحدیث: «إسناده ضعيف، أخرجه ابن حبان: 471، شعب الايمان: 8087» سفیان ثوری مدلس کا عنعنہ، مسیب بن واضح اور یوسف بن اسباط متکلم فیہ ہیں۔
وضاحت:
فائدہ:
امام ابوحاتم فرماتے ہیں: یہ حدیث باطل ہے اس کی کوئی اصل نہیں۔ [علل الحديث: 2359]
فائدہ:
امام ابوحاتم فرماتے ہیں: یہ حدیث باطل ہے اس کی کوئی اصل نہیں۔ [علل الحديث: 2359]
حدیث نمبر: 92 |
|
یہ روایت سفیان ثوری سے ان کی سند کے ساتھ ایک دوسرے طریق سے بھی اسی طرح مروی ہے۔
تخریج الحدیث: «إسناده ضعيف، أخرجه ابن حبان: 471، شعب الايمان: 8087» سفیان ثوری مدلس کا عنعنہ، مسیب بن واضح اور یوسف بن اسباط متکلم فیہ ہیں۔
64. الْكَلِمَةُ الطَّيِّبَةُ صَدَقَةٌ
64. اچھی بات کرنا صدقہ ہے
حدیث نمبر: 93 |
|
سیدنا ابوہریره رضی اللہ عنہ نبی صلی اللہ علیہ وسلم سے روایت کرتے ہیں کہ آپ نے فرمایا: ”اچھی بات کرنا صدقہ ہے اور نماز کی طرف اٹھنے والا ہر قدم صدقہ ہے۔“ اسے مسلم نے بھی اپنی سند کے ساتھ اسی طرح روایت کیا ہے (لیکن مذکورہ روایت) مختصر ہے۔
تخریج الحدیث: «إسناده صحيح، أخرجه البخاري 2989، ومسلم 1009،وأحمد: 2/ 312»
65. مَا وَقَى الْمَرْءُ بِهِ عِرْضَهُ كُتِبَ لَهُ بِهِ صَدَقَةٌ
65. جس کے ذریعے آدمی اپنی عزت بچائے تو اس کے عوض بھی اس کے لیے صدقہ لکھا جاتا ہے
حدیث نمبر: 94 |
|
سیدنا جابر بن عبد الله رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”آدمی جو کچھ بھی اپنے گھر والوں اور اپنی ذات پرخرچ کرے تو اس کے عوض اس کے لیے صدقہ لکھا جاتا ہے اور جس کے ذریعے آدمی اپنی عزت بچائے تو اس کے عوض بھی اس کے لیے صدقہ لکھا جاتا ہے۔“ میں (عبدالحمید) نے محمد بن منکدر سے کہا: ”جس کے ذریعے آدمی اپنی عزت بچائے کا کیا معنی ہے؟ انہوں نے کہا: یہ کہ وہ (اپنی ہجو اور بے عزتی سے بچنے کے لیے) شاعر یا بد زبان شخص کو کچھ دے۔
تخریج الحدیث: «إسناده ضعيف، أخرجه دار قطني: 3/ 27، وحاكم 2/ 50» بدالحمید بن حسن ہلالی ضعیف ہے۔
حدیث نمبر: 95 |
|
سیدنا جابر رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”آدمی جس چیز کے ذریعے اپنی عزت بچائے تو اس کے عوض اس کے لیے صدقہ لکھا جاتا ہے۔“
تخریج الحدیث: «إسناده ضعف جدا، أخرجه شعب الايمان: 10229» ۔ مسور بن صلت متروک ہے۔
66. الصَّدَقَةُ عَلَى الْقَرَابَةِ صَدَقَةٌ وَصِلَةٌ
66. قرابت داروں پر صدقہ کرنا صدقہ بھی ہے اور صلہ رحمی بھی
حدیث نمبر: 96 |
|
سیدنا سلمان بن عامر رضی اللہ عنہ سے مروی ہے کہ بے شک رسول الله صلی اللہ علیہ وسلم نے فرمایا: ”قرابت داروں پر صدقہ کرنا صدقہ بھی ہے اور صلہ رحمی بھی۔“
تخریج الحدیث: «إسناده حسن، وأخرجه ابن ماجه: 1844، وأحمد: 17/4، و المعجم الكبير: 6204»
وضاحت:
تشریح:
اللہ کی راہ میں صدقہ و خیرات کرنا اور اپنے قرابت داروں سے صلہ رحمی کرنا دونوں عظیم نیکیاں ہیں، مذکورہ بالا حدیث میں ان دونوں نیکیوں کے بیک وقت حصول کا طریقہ بتایا گیا ہے کہ صدقہ و خیرات اگر عام غریب و مسکین کو دیا جائے تو اس سے صدقہ کا ثواب ملتا ہے لیکن اگر یہی صدقہ کسی مستحق رشتے دار کو دیا جائے تو دہرا اجر ہے، ایک صدقہ کرنے اور دوسرا صلہ رحمی کرنے کا، یوں اہل قرابت پر صدقہ کرنے سے بیک وقت دونوں نیکیاں مل جاتی ہیں کہ صدقہ بھی ہو گیا اور صلہ رحمی بھی۔ اور حدیث میں بھی اسی طرح ہے کہ مسکین کو صدقہ دینا صدقہ ہے اور قرابت دار کو (صدقہ دینا) دو نیکیوں کا باعث ہے: ”صدقہ اور صلہ رحمی“۔ [ابن ماجه: 1844]
تشریح:
اللہ کی راہ میں صدقہ و خیرات کرنا اور اپنے قرابت داروں سے صلہ رحمی کرنا دونوں عظیم نیکیاں ہیں، مذکورہ بالا حدیث میں ان دونوں نیکیوں کے بیک وقت حصول کا طریقہ بتایا گیا ہے کہ صدقہ و خیرات اگر عام غریب و مسکین کو دیا جائے تو اس سے صدقہ کا ثواب ملتا ہے لیکن اگر یہی صدقہ کسی مستحق رشتے دار کو دیا جائے تو دہرا اجر ہے، ایک صدقہ کرنے اور دوسرا صلہ رحمی کرنے کا، یوں اہل قرابت پر صدقہ کرنے سے بیک وقت دونوں نیکیاں مل جاتی ہیں کہ صدقہ بھی ہو گیا اور صلہ رحمی بھی۔ اور حدیث میں بھی اسی طرح ہے کہ مسکین کو صدقہ دینا صدقہ ہے اور قرابت دار کو (صدقہ دینا) دو نیکیوں کا باعث ہے: ”صدقہ اور صلہ رحمی“۔ [ابن ماجه: 1844]
67. الصَّدَقَةُ تَمْنَعُ مِيتَةَ السُّوءِ
67. صدقہ بری موت کو روکتا ہے
حدیث نمبر: 97 |
|
سیدنا رافع رضی اللہ عنہ جو کہ حدیبیہ میں شریک ہونے والے صحابہ میں سے ہیں، کہتے ہیں کہ رسول اللہ صلی اللہ علیہ وسلم نے فرمایا: ”صدقہ بری موت کو روکتا ہے۔“
تخریج الحدیث: «إسناده ضعيف، وأخرجه أحمد 502/3، والمصنف لعبد الرزاق: 20118» عثمان بن زفر مجہول ہے۔
حدیث نمبر: 98 |
|
سیدنا ابوہریرہ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”صدقہ بری موت کو روکتا ہے۔“
تخریج الحدیث: «إسناده ضعيف، تاريخ جرجان: 1005، والاموال لابن زنجويه: 1023» یحییٰ بن عبید اللہ متروک ہے۔
68. صَدَقَةُ السِّرِّ تُطْفِئُ غَضَبَ الرَّبِّ
68. پوشیدہ صدقہ رب تعالیٰ ٰ کا غصہ بجھا دیتا ہے
حدیث نمبر: 99 |
|
ابوجعفر محمد بن علی بن حسین کہتے ہیں کہ میں نے عبداللہ بن جعفر بن ابی طالب سے کہا: ہمیں کوئی ایسی چیز بیان کریں جو آپ نے رسول اللہ صلی اللہ علیہ وسلم سے سنی ہو۔ انہوں نے کہا: میں نے رسول اللہ صلی اللہ علیہ وسلم کو یہ فرماتے سنا: ”پوشیدہ (طور پر دیاہوا) صدقہ رب تعالیٰ ٰ کا غصہ بجھا دیتا ہے۔“
تخریج الحدیث: «إسناده ضيعف جدا، وأخرجه حاكم: 3/ 588، والمعجم الصغير: 1033، اصرم بن حوشب کذاب ہے»
69. صِلَةُ الرَّحِمِ تَزِيدُ فِي الْعُمُرِ
69. صلہ رحمی عمر دراز کرتی ہے
حدیث نمبر: 100 |
|
سیدنا ابن مسعود رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”صلہ رحمی عمر دراز کرتی ہے اور پوشیدہ صدقہ رب تعالیٰ کاغصہ بجھاتا ہے۔“
تخریج الحدیث: «إسناده ضعيف جدا، نصر بن حماد بن عجلان متہم بالکذب ہے»
وضاحت:
فائدہ:
سیدنا انس رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”جو شخص یہ پسند کرتا ہے کہ اس کا رزق فراخ کر دیا جائے اور اس کی عمر دراز کر دی جائے تو اسے چاہیے کہ صلہ رحمی کرے۔“ [بخاري: 5986]
فائدہ:
سیدنا انس رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”جو شخص یہ پسند کرتا ہے کہ اس کا رزق فراخ کر دیا جائے اور اس کی عمر دراز کر دی جائے تو اسے چاہیے کہ صلہ رحمی کرے۔“ [بخاري: 5986]