الحمدللہ! انگلش میں کتب الستہ سرچ کی سہولت کے ساتھ پیش کر دی گئی ہے۔
احادیث801 سے 1000
545. «لَا يَرُدُّ الْقَضَاءَ إِلَّا الدُّعَاءُ، وَلَا يَزِيدُ فِي الْعُمُرِ إِلَّا الْبِرُّ»
545. دعا ہی قضا کو ٹال سکتی ہے اور نیکی ہی عمر دراز کرسکتی ہے
حدیث نمبر: 831 |
|
سیدنا ثوبان رضی اللہ عنہ کہتے ہیں کہ میں نے رسول اللہ صلی اللہ علیہ وسلم کو یہ فرماتے سنا۔۔۔۔۔ پھر انہوں نے یہ حدیث بیان کی۔ ”دعا ہی قضا کو ٹال سکتی ہے اور نیکی ہی عمر دراز کرسکتی ہے۔“
تخریج الحدیث: «إسناده ضعيف، وأخرجه ابن حبان فى «صحيحه» برقم: 872، والحاكم فى «مستدركه» برقم: 1820، 6092، والنسائي فى «الكبریٰ» برقم: 11775، وابن ماجه فى «سننه» برقم: 90، 4022، وأحمد فى «مسنده» برقم: 22821» سفیان ثوری مدلس کا عنعنہ ہے۔
حدیث نمبر: 832 |
|
سیدنا سلمان فارسی رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”نیکی ہی عمر دراز کر سکتی ہے اور دعا ہی قضا کو ٹال سکتی ہے۔“
تخریج الحدیث: «إسناده ضعيف، وأخرجه الترمذي فى «جامعه» برقم: 2139، والبزار فى «مسنده» برقم: 2540، والطحاوي فى «شرح مشكل الآثار» برقم: 3068، والطبراني فى «الكبير» برقم: 6128»
سلیمان تیمی مدلس کا عنعنہ ہے۔
سلیمان تیمی مدلس کا عنعنہ ہے۔
حدیث نمبر: 833 |
|
سیدنا سلمان فارسی رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”نیکی ہی عمر دراز کر سکتی ہے اور دعا ہی قضا کو ٹال سکتی ہے۔“
تخریج الحدیث: «إسناده ضعيف، وأخرجه الترمذي فى «جامعه» برقم: 2139، والبزار فى «مسنده» برقم: 2540، والطحاوي فى «شرح مشكل الآثار» برقم: 3068، والطبراني فى «الكبير» برقم: 6128»
سلیمان تیمی مدلس کا عنعنہ ہے۔
سلیمان تیمی مدلس کا عنعنہ ہے۔
546. لَا حَلِيمَ إِلَّا ذُو عَثْرَةٍ
546. بردباری ٹھوکریں کھانے ہی سے آتی ہے
حدیث نمبر: 834 |
|
سیدنا ابوسعید خدری رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”بردباری ٹھوکریں کھانے ہی سے آتی ہے اور حکمت و دانائی تجربہ کاری ہی سے ملتی ہے۔“
راوی صابونی نے اپنی حدیث میں یوں کہا: «اخبرنا عبد الله بن وهب اخبرني عمرو بن الحارث» ۔
راوی صابونی نے اپنی حدیث میں یوں کہا: «اخبرنا عبد الله بن وهب اخبرني عمرو بن الحارث» ۔
تخریج الحدیث: «إسناده حسن، وأخرجه ابن حبان فى «صحيحه» برقم: 193، والحاكم فى «مستدركه» برقم: 7894، والترمذي فى «جامعه» برقم: 2033، وأحمد فى «مسنده» برقم: 11213، 11840»
حدیث نمبر: 835 |
|
ابوالعباس بن قتیبہ عسقلانی کہتے ہیں: ہمیں یزید بن موہبرملی نے اپنی سند کے ساتھ بیان کیا کہ بے شک ابوالسمح دراج نے یہ حدیث بیان کی اور اس نے متن کے آخر تک موافقت کی۔ ابوالعباس بن قتیبہ نے کہا: مجھے میرے بعض ساتھیوں نے کہا: کہ مجھ (موہب بن یزید) کو أحمد بن حنبل نے کہا: ملک شام میں تو نے کیا لکھا ہے؟ میں نے انہیں کہا: یہ حدیث لکھی ہے، تو انہوں نے فرمایا: اگر تو وہاں اس کے علاوہ اور کچھ بھی نہ لکھتا تو بھی تیرا سفر (ضائع) نہ جاتا۔
وضاحت:
تشریح: -
”بردباری ٹھوکریں کھانے ہی سے آتی ہے۔“ مطلب یہ ہے کہ حلم و بردباری اسی شخص کے حصے میں آتی ہے جس نے دھوکا کھایا ہو، لغزشوں اور خطاؤں سے دو چار ہوا ہو، اپنے معاملات میں خلل ونقصان برداشت کر چکا ہو۔ ظاہر ہے کہ ایسا شخص چونکہ اچھی طرح جانتا اور سمجھتا ہے کہ کسی کے دکھ درد اور نفع و نقصان کی کیا اہمیت ہے کسی کے عیوب کو چھپانے اور کسی کی خطاؤں سے درگزر کرنے کی کتنی ضرورت ہوتی ہے، اس لیے وہ دوسروں کے لیے حلیم و بردبار اور خیر خواہ ہوتا ہے، لوگوں کے عیوب کی پردہ پوشی کرتا ہے اور اگر کسی سے کوئی خطا ولغزش ہو جائے تو درگزر کر جاتا ہے۔
”حکمت و دانائی تجربہ کاری سے ملتی ہے۔“ حکیم اصل میں اس شخص کو کہتے ہیں جو دانا وعقل مند، راست باز اور استوار کار ہو کیونکہ حکمت کے معنی ہیں: ہر چیز کی حقیقت و اصلیت کو جاننا، اور تجربہ کا مطلب ہے: کاموں کی واقفیت حاصل کرنا اور کسی کام کو کرنے کا طریقہ جانتا۔ لہٰذا فرمایا کہ جس شخص کو چیزوں کی حقیقت و پہچان حاصل ہو، ہر چیز کے نفع و نقصان سے آگاہ ہو، حالات کے اتار چڑھاؤ اور معاملات و افراد کی بھلائی برائی سے واقف ہو تو سمجھو کہ اسے حکمت مل گئی اور وہ کامل حکیم ہے۔ علاوہ ازیں حکیم سے مراد طبیب و معالج بھی ہو سکتا ہے۔ مطلب واضح ہے کہ کوئی شخص محض طب پڑھنے سے کامل طبیب و معالج نہیں بن جاتا بلکہ اس کے لیے تجر بہ ومعالجہ کی مشق و مزاولت ضروری ہے۔ (دیکھیں مرقاۃ: 9/ 391)
تشریح: -
”بردباری ٹھوکریں کھانے ہی سے آتی ہے۔“ مطلب یہ ہے کہ حلم و بردباری اسی شخص کے حصے میں آتی ہے جس نے دھوکا کھایا ہو، لغزشوں اور خطاؤں سے دو چار ہوا ہو، اپنے معاملات میں خلل ونقصان برداشت کر چکا ہو۔ ظاہر ہے کہ ایسا شخص چونکہ اچھی طرح جانتا اور سمجھتا ہے کہ کسی کے دکھ درد اور نفع و نقصان کی کیا اہمیت ہے کسی کے عیوب کو چھپانے اور کسی کی خطاؤں سے درگزر کرنے کی کتنی ضرورت ہوتی ہے، اس لیے وہ دوسروں کے لیے حلیم و بردبار اور خیر خواہ ہوتا ہے، لوگوں کے عیوب کی پردہ پوشی کرتا ہے اور اگر کسی سے کوئی خطا ولغزش ہو جائے تو درگزر کر جاتا ہے۔
”حکمت و دانائی تجربہ کاری سے ملتی ہے۔“ حکیم اصل میں اس شخص کو کہتے ہیں جو دانا وعقل مند، راست باز اور استوار کار ہو کیونکہ حکمت کے معنی ہیں: ہر چیز کی حقیقت و اصلیت کو جاننا، اور تجربہ کا مطلب ہے: کاموں کی واقفیت حاصل کرنا اور کسی کام کو کرنے کا طریقہ جانتا۔ لہٰذا فرمایا کہ جس شخص کو چیزوں کی حقیقت و پہچان حاصل ہو، ہر چیز کے نفع و نقصان سے آگاہ ہو، حالات کے اتار چڑھاؤ اور معاملات و افراد کی بھلائی برائی سے واقف ہو تو سمجھو کہ اسے حکمت مل گئی اور وہ کامل حکیم ہے۔ علاوہ ازیں حکیم سے مراد طبیب و معالج بھی ہو سکتا ہے۔ مطلب واضح ہے کہ کوئی شخص محض طب پڑھنے سے کامل طبیب و معالج نہیں بن جاتا بلکہ اس کے لیے تجر بہ ومعالجہ کی مشق و مزاولت ضروری ہے۔ (دیکھیں مرقاۃ: 9/ 391)
547. لَا فَقْرَ أَشَدُّ مِنَ الْجَهْلِ
547. جہالت سے بڑھ کر کوئی فقر نہیں
حدیث نمبر: 836 |
|
حارث کہتے ہیں کہ علی علیہ السلام نے اپنے بیٹے حسن رضی اللہ عنہ سے کچھ چیزوں کے متعلق دریافت کیا اور کہا: کہ میں نے رسول الله صلی اللہ علیہ وسلم کو یہ فرماتے سنا ہے: ”جہالت سے بڑھ کر کوئی فقر نہیں، عقل سے بڑھ کر لوٹ آنے والا کوئی مال نہیں، خود پسندی سے بڑھ کر وحشت زدہ کوئی تنہائی نہیں، مشاور ت سے مضبوط کوئی مظاہرہ نہیں، تدبیر جیسی کوئی عقل مندی نہیں، حسن اخلاق جیسی کوئی خوبصورتی نہیں، گناہ سے رک جانے جیسا کوئی تقویٰ نہیں، غور و فکر جیسی کوئی عبادت نہیں اور صبر و حیا جیسا کوئی ایمان نہیں۔“
تخریج الحدیث: «إسناده ضعيف جدا، وأخرجه المعجم الكبير: 2688، تاريخ دمشق:، 257، المجروحين:325/2»
حارث اعور سخت ضعیف ہے، اس میں اور بھی علتیں ہیں۔
حارث اعور سخت ضعیف ہے، اس میں اور بھی علتیں ہیں۔
حدیث نمبر: 837 |
|
سیدنا ابوذر رضی اللہ عنہ نبی صلی اللہ علیہ وسلم سے روایت کرتے ہیں کہ بے شک آپ صلی اللہ علیہ وسلم نے فرمایا: ”اے ابوذر! تدبیر جیسی کوئی عقل مندی نہیں، گناہ سے رک جانے جیسا کوئی تقویٰ نہیں اور حسن اخلاق جیسا کوئی حسب نہیں۔“
تخریج الحدیث: «إسناده ضعيف، وأخرجه ابن ماجه: 4218، (وفيه ماضي بن محمد وهو ضعيف)، وابن حبان: 361، وشعب الايمان: 4325»
ابراہیم بن ہشام سخت ضعیف ہے۔
ابراہیم بن ہشام سخت ضعیف ہے۔
حدیث نمبر: 838 |
|
سیدنا علی رضی اللہ عنہ کہتے ہیں کہ میں نے رسول اللہ صلی اللہ علیہ وسلم کو یہ فرماتے سنا: ”جہالت سے بڑھ کر کوئی فقر نہیں، عقل سے بڑھ کر لوٹ آنے والا کوئی مال نہیں، گناہ سے رک جانے جیسا کوئی تقویٰ نہیں اور غور و فکر جیسی کوئی عبادت نہیں۔“
تخریج الحدیث: إسناده ضعيف جدا، دیکھئے حدیث نمبر 836۔
548. لَا يُتْمَ بَعْدَ حُلُمٍ
548. بلوغت کے بعد یتیمی نہیں رہتی
حدیث نمبر: 839 |
|
محمد بن منکدر اپنے والد سے روایت کرتے ہیں، انہوں نے کہا: کہ رسول اللہ صلی اللہ علیہ وسلم نے فرمایا: ”بلوغت کے بعد یتیمی نہیں رہتی۔“
تخریج الحدیث: إسناده ضعیف، یزید بن عبد الملک ضعیف ہے، اس میں ایک اور بھی علت ہے۔
وضاحت:
فائدہ: -
سیدنا حنظلہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا: ”احتلام (شروع ہو جانے) کے بعد یتیمی نہیں رہتی اور حیض شروع ہونے کے بعد لڑکی یتیم نہیں رہتی۔“ [معجم الكبير: 3502، وسنده حسن]
فائدہ: -
سیدنا حنظلہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا: ”احتلام (شروع ہو جانے) کے بعد یتیمی نہیں رہتی اور حیض شروع ہونے کے بعد لڑکی یتیم نہیں رہتی۔“ [معجم الكبير: 3502، وسنده حسن]
549. لَا حَلِفَ فِي الْإِسْلَامِ
549. اسلام میں (جاہلیت والا نیا) کوئی عہد و پیمان نہیں
حدیث نمبر: 840 |
|
سیدنا انس رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”اسلام میں (جاہلیت والا نیا) کوئی عہد و پیمان نہیں۔“
تخریج الحدیث: «إسناده ضعيف جدا، وأخرجه حلية الاولياء: 538/5»
ابان متروک ہے، اس میں اور بھی علتیں ہیں۔
ابان متروک ہے، اس میں اور بھی علتیں ہیں۔