حسن سے بھی اسی طرح منقول ہے۔ [مصنف ابن ابي شيبه/كتاب الحج/حدیث: 14950]

حضرت شعبی سے بھی یہی منقول ہے، ان حضرات نے فرمایا کہ وہ اس کو پھاڑ دے۔ [مصنف ابن ابي شيبه/كتاب الحج/حدیث: 14951]

حضرت سعید بن جبیر اور حضرت ابو صالح فرماتے ہیں کہ جب کوئی شخص احرام باندھے اور اس پر قمیص ہو تو اس کو چاہئے کہ اس کو پھاڑ دے۔ [مصنف ابن ابي شيبه/كتاب الحج/حدیث: 14952]

حضرت ابو صالح سے بھی یہی منقول ہے، دونوں حضرات فرماتے ہیں کہ جب کوئی شخص احرام باندھے اور اس پر قمیص ہو تو اس کو چاہئے کہ اس کو پھاڑ دے۔ [مصنف ابن ابي شيبه/كتاب الحج/حدیث: 14953]

حضرت ابو قتادہ فرماتے ہیں کہ اس کو پھاڑ دے گا۔ [مصنف ابن ابي شيبه/كتاب الحج/حدیث: 14954]

حضرت ابو قلابہ فرماتے ہیں کہ اپنے پاؤں کی طرف سے اس کو اتارے۔ [مصنف ابن ابي شيبه/كتاب الحج/حدیث: 14955]

حضرت طاؤس فرماتے ہیں کہ اگر کوئی شخص ایسے احرام باندھے کہ اس پر قمیص ہو تو اس کو چاہئے کہ اس کو اتار دے اس کو پھاڑے نہیں۔ [مصنف ابن ابي شيبه/كتاب الحج/حدیث: 14956]

حضرت عطاء فرماتے ہیں کہ اس کو اتار دے۔ [مصنف ابن ابي شيبه/كتاب الحج/حدیث: 14957]

حضرت صفوان بن یعلیٰ کے والد سے مروی ہے کہ نبی کریم صلی اللہ علیہ وآلہ وسلم نے ارشاد فرمایا: اس کو اتار دو، اور اپنے عمرے میں وہی کچھ کرو جو تم اپنے حج میں کرتے۔ یعنی وہ جبہ جو انہوں نے پہنا ہوا تھا۔ [مصنف ابن ابي شيبه/كتاب الحج/حدیث: 14958]

حضرت سعید بن المسیب فرماتے ہیں کہ اس کو اتار دے۔ [مصنف ابن ابي شيبه/كتاب الحج/حدیث: 14959]