الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
غلاموں کی آزادی اور مکاتب کا بیان
8. میاں بیوی دونوں غلام ہوں اور ایک آزاد ہوجائے تو اس کے اختیارات
حدیث نمبر: 481 |
|
سیدنا ابن عباس رضی اللہ عنہما نے بیان کیا: بریرہ کے شوہر حبشی غلام تھے، ان کا نام مغیث تھا، گویا کہ میں انہیں ان (بریرہ رضی اللہ عنہا) کے پیچھے مدینے کی گلیوں میں چکر لگاتے ہوئے دیکھ رہا ہوں۔
تخریج الحدیث: «بخاري، كتاب الطلاق، باب خبار الامة تحت العبد، رقم: 5281. سنن ابوداود، رقم: 2233، 2232. سنن نسائي، رقم: 5417. سنن ابن ماجه، رقم: 2075.»
9. ام ولد لونڈی کا بیان
حدیث نمبر: 482 |
|
سیدنا ابن عباس رضی اللہ عنہما نے بیان کیا: رسول اللہ صلی اللہ علیہ وسلم نے (اپنے لخت جگر) ابراہیم (رضی اللہ عنہ) کی والدہ (ماریہ قبطیہ رضی اللہ عنہا) کے لیے فرمایا: جس وقت کہ انہوں نے انہیں جنم دیا تھا:”اس کے بیٹے نے اسے آزادی دلا دی۔“
تخریج الحدیث: «سنن ابن ماجه، كتاب العتق، باب امهات الاولاد، رقم: 2516. قال الشيخ الالباني ضعيف، مستدرك حاكم: 23/2.»
حدیث نمبر: 483 |
|
سیدنا ابن عباس رضی اللہ عنہما نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”جو بھی لونڈی اپنے مالک کی طرف سے بچے کو جنم دے تو وہ اس (مالک) کی وفات کے بعد آزاد ہو گی۔“
تخریج الحدیث: «سنن ابن ماجه، كتاب العتق، باب امهات الاولاد، رقم: 2515. سنن كبري بيهقي، رقم: 346/10. اسناده ضعيف.»