الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
ایمان کا بیان
حدیث نمبر: 50 |
|
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”عرب نے جو کلام کیا ہے اس میں سے سب سے سچی بات لبید (شاعر) کی بات ہے سنو: اللہ کے علاوہ ہر چیز باطل (ختم ہونے والی) ہے۔“ قریب تھا کہ امیہ بن ابی صلت اسلام قبول کر لیتا۔
تخریج الحدیث: «مسند حميدي، رقم: 1053. انظر ما قبله»
22. جاہلیت کے تین کام
حدیث نمبر: 51 |
|
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”تین کام امر جاہلیت میں سے ہیں: نوحہ کرنا، کسی شخص کا اپنے والد سے لاتعلقی ظاہر کرنا اور اس کا لوگوں پر فخر کرنا۔“
تخریج الحدیث: «مسند احمد: 262/2. صحيح ابن حبان، رقم: 3131»
23. امر نفاق کے تین کام، منافق کی علامات
حدیث نمبر: 52 |
|
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”تین کام امر نفاق سے ہیں خواہ ان کا کرنے والا روزے رکھے، نماز پڑھے اور کہے کہ وہ مسلمان ہے: جب وہ بات کرے تو جھوٹ بولے، وعدہ کرے تو خلاف ورزی کرے اور جب اس کے ہاں امانت رکھی جائے تو وہ خیانت کرے۔“
تخریج الحدیث: «بخاري، كتاب الايمان، باب علامة المنافق، رقم: 33. مسلم، كتاب الايمان، باب بيان خصال المنافق، رقم: 59. سنن ترمذي، رقم: 2631. سنن نسائي، رقم: 5021 مسند احمد: 200/2، 536»
24. قیامت کب قائم ہو گی
حدیث نمبر: 53 |
|
اسی سند سے ہے کہ رسول اللہ صلی اللہ علیہ وسلم نے فرمایا: ”جب تک ایک آدمی بھی لا الہٰ الا اللہ کا اقرار کرتا ہو گا یا وہ نیکی کا حکم اور برائی سے منع کرتا ہو گا تو قیامت قائم نہیں ہو گی۔“
تخریج الحدیث: «ابن عدي ضعفا: 2092/6»
25. اللہ اور اس کے رسول کی محبت لذت ایمان کا باعث
حدیث نمبر: 54 |
|
اسی سند سے ہے، رسول اللہ صلی اللہ علیہ وسلم نے فرمایا: ”جس شخص میں تین چیزیں ہوں وہ ان کی وجہ سے ایمان کی مٹھاس پا لیتا ہے: اللہ اور اس کا رسول اسے سب سے بڑھ کر محبوب ہوں، وہ کسی شخص سے صرف اللہ کی خاطر محبت کرتا ہو، اور وہ اس کے بعد کہ اللہ نے اس کی اسلام کی طرف راہنمائی کی ہو وہ کفر کی طرف لوٹ جانا ایسے ہی ناپسند کرے جس طرح وہ آگ میں پھینکا جانا ناپسند کرتا ہے۔“
تخریج الحدیث: «بخاري، كتاب الايمان، باب حلاوة الايمان، رقم: 16. مسلم، كتاب الايمان، باب بيان خصال من اتصف الخ، رقم: 43. سنن ترمذي، رقم: 2624. سنن نسائي، رقم: 4987. سنن ابن ماجه، رقم: 4033»
26. بدعتی کی توبہ
حدیث نمبر: 55 |
|
سیدنا انس رضی اللہ عنہ مرفوعاً بیان کرتے ہیں، آپ صلی اللہ علیہ وسلم نے فرمایا: ”اللہ نے توبہ کو ہر بدعتی شخص سے روک دیا ہے۔“
تخریج الحدیث: «طبراني اوسط، رقم: 4202. صحيح ترغيب وترهيب، رقم: 54. قال الالباني: اسناده حسن السنة لابن ابي عاصم، رقم: 37، 21/1»
27. رسول اللہ صلی اللہ علیہ وسلم کی فرمانبرداری کرنے والے ہی جنت میں جائیں گے
حدیث نمبر: 56 |
|
اسی سند سے رسول اللہ صلی اللہ علیہ وسلم سے مروی ہے، آپ صلی اللہ علیہ وسلم نے فرمایا: ”اس ذات کی قسم جس کے ہاتھ میں محمد ( صلی اللہ علیہ وسلم ) کی جان ہے! تم ضرور جنت میں جاؤ گے سوائے اس کے جس نے انکار کر دیا۔“
تخریج الحدیث: «بخاري، كتاب الاعتصام بالكتاب، باب قول النبى صلى الله عليه وسلم بعثت بجوامع الكم، مسند احمد: 361/2. مستدرك حاكم: 122/1»
28. اسلام کی ابتدا اجنبیت سے ہوئی
حدیث نمبر: 57 |
|
اسی سند سے مروی ہے، رسول اللہ صلی اللہ علیہ وسلم نے فرمایا: ”اسلام کی ابتدا اجنبیت سے ہوئی اور اس کی انتہا بھی اجنبیت پر ہو گی۔“
تخریج الحدیث: «مسلم، كتاب الايمان، باب بيان ان الاسلام بدا غريباو.....، سنن ترمذي، رقم: 2629. سنن ابن ماجه، رقم: 3986»
29. ایمان کا ناقص ہو جانا
حدیث نمبر: 58 |
|
ابوجعفر سے روایت ہے کہ ان سے رسول اللہ صلی اللہ علیہ وسلم کے فرمان: ”زانی مومن رہتے ہوئے زنا نہیں کر سکتا، چور مومن رہتے ہوئے چوری نہیں کر سکتا۔“ کے متعلق پوچھا: گیا، تو ابوجعفر نے کہا: یہ اسلام ہے، اور انہوں نے ایک بڑا دائرہ لگایا، یہ ایمان ہے اور انہوں نے بڑے دائرے کے وسط میں ایک چھوٹا دائرہ لگایا، اور کہا: ایمان اسلام میں محدود ہے، پس جب وہ زنا اور چوری کرتا ہے تو وہ ایمان سے اسلام کی طرف نکل آتا ہے، اور اللہ کی ذات کے ساتھ کفر ہی اسے اسلام سے خارج کر سکتا ہے۔
تخریج الحدیث: «السنة لعبد اللفه بن احمد: 342/1. شرح اصول اعتقاد اهل السنة والجماعة للاكائي6، رقم: 1877. قوت القلوب لابي طالب المكي: 221/2»
30. گناہوں کی معافی کا تذکرہ
حدیث نمبر: 59 |
|
سیدنا ابوہریرہ رضی اللہ عنہ نے رسول اللہ صلی اللہ علیہ وسلم سے روایت کیا، آپ صلی اللہ علیہ وسلم نے فرمایا: ”ماہ رمضان دوسرے رمضان تک ہونے والے گناہوں کا کفارہ ہے، جمعہ دوسرے جمعہ تک کے لیے کفارہ ہے، فرض نماز ساتھ والی دوسری فرض نماز تک کے لیے کفارہ ہے۔“ پھر اس کے بعد فرمایا: سوائے تین افراد کے، اس شخص کے جو اللہ کے ساتھ شریک ٹھہراتا ہے، «نكث صفقه» اور «تارك السنه» کے راوی نے بیان کیا: پس ہم نے پہچان لیا کہ یہ کوئی نیا واقعہ ہے، ہم نے عرض کیا: اللہ کے رسول! جہاں تک اللہ کے ساتھ شریک ٹھہرانے کا تعلق ہے تو وہ ہم نے جان لیا ہے، «نكث صفقة» اور «ترك السنه» سے کیا مراد ہے؟ آپ صلی اللہ علیہ وسلم نے فرمایا: ” «نكث صفقه» سے یہ مراد ہے کہ تم کسی شخص کی بیعت کرو اس کے ہاتھ میں اپنا دایاں ہاتھ دو پھر تم وہ بیعت توڑ کر اس شخص سے تلوار کے ساتھ قتال کرو، اور رہا «ترك السنه» تو وہ مسلمانوں کی جماعت سے علیحدگی ہے۔“
تخریج الحدیث: «مسند احمد: 229/2. شعيب الارناؤوط: صحيح دون قوله ”الا من ثلاث“»