ایک دوسری سند سے حضرت عائشہ رضی اللہ عنہا سے مروی ہے، انہوں نے فرمایا: ”نبی کریم صلی اللہ علیہ وسلم نے اپنی آنکھیں اوپر اٹھائیں، پھر تین مرتبہ فرمایا: «اللَّهُمَّ الرَّفِيقَ الْأَعْلَى» ”(اے اللہ!) مجھے ملاٴِ اعلیٰ میں داخل کر دے۔“ اور بقیہ حدیث بیان کی۔“ حضرت عائشہ رضی اللہ عنہا فرماتی ہیں: ”اللہ تعالیٰ نے ان دونوں حضرات کے خطاب سے بہت فائدہ پہنچایا۔ حضرت عمر رضی اللہ عنہ لوگوں کو ڈراتے تھے تاکہ لوگوں میں کہیں نفاق نہ پھوٹ پڑے۔ اللہ تعالیٰ نے ان کی وجہ سے اس نفاق کو دور کر دیا۔“ [صحيح البخاري/كتاب فضائل الصحابة/حدیث: 3669]