حضرت عکرمہ رحمہ اللہ سے روایت ہے کہ عبداللہ بن ابی کی بہن نے آپ صلی اللہ علیہ وسلم سے عرض کیا۔ پھر یہ حدیث بیان کی، اس میں ہے کہ آپ صلی اللہ علیہ وسلم نے فرمایا: ”کیا تو اس کا باغ واپس کرے گی؟“ عرض کیا: ”جی ہاں۔“ چنانچہ اس نے باغ واپس کر دیا تو آپ صلی اللہ علیہ وسلم نے حضرت ثابت رضی اللہ عنہ کو حکم دیا کہ وہ اسے آزاد کر دے۔ ابراہیم بن طہمان رحمہ اللہ نے خالد رحمہ اللہ عن عکرمہ رحمہ اللہ کے ذریعے سے نبی صلی اللہ علیہ وسلم سے اس حدیث کو بیان کیا، اس میں ہے کہ آپ صلی اللہ علیہ وسلم نے فرمایا: ”تم اسے طلاق دے دو۔“ [صحيح البخاري/كتاب الطلاق/حدیث: 5274]