«وَعَنْ» اور سے – «أَبِي سَعِيدٍ الْخُدْرِيِّ» ابو سعید خدری – «رَضِيَ اللَّهُ عَنْهُ» اللہ ان سے راضی ہو – «قَالَ» (انہوں نے) کہا: – «قَالَ» فرمایا – «رَسُولُ اللَّهِ» اللہ کے رسول نے – «صَلَّى اللَّهُ عَلَيْهِ وَآلِهِ وَسَلَّمَ» اللہ کی رحمت ہو ان پر اور ان کی آل پر سلامتی ہو – «إِنَّ» بے شک – «شَرَّ النَّاسِ» لوگوں میں سب سے برا – «عِنْدَ اللَّهِ» اللہ کے نزدیک – «مَنْزِلَةً» مرتبے کے لحاظ سے – «يَوْمَ الْقِيَامَةِ» قیامت کے دن – «الرَّجُلُ» وہ آدمی ہے – «يُفْضِي» جو ملتا (خلوت کرتا) ہے – «إِلَى امْرَأَتِهِ» اپنی بیوی سے – «وَتُفْضِي إِلَيْهِ» اور وہ اس سے ملتی ہے – «ثُمَّ» پھر – «يَنْشُرُ» وہ پھیلاتا ہے – «سِرَّهَا» اس کا راز۔ – «أَخْرَجَهُ» اسے روایت کیا – «مُسْلِمٌ» مسلم نے۔
اور سیدنا ابو سعید خدری رضی اللہ عنہ سے روایت ہے، انہوں نے کہا: رسول اللہ صلی اللہ علیہ وآلہ وسلم نے فرمایا: ”قیامت کے دن اللہ کے نزدیک مرتبے کے لحاظ سے لوگوں میں سب سے برا وہ آدمی ہو گا جو اپنی بیوی سے خلوت کرے اور وہ اس سے خلوت کرے، پھر وہ اس کا راز پھیلا دے۔“ اسے مسلم نے روایت کیا ہے۔ [بلوغ المرام/حدیث: 871]