«وَعَنْ» اور سے – «جُذَامَةَ بِنْتِ وَهْبٍ» جذامہ بنت وہب – «رَضِيَ اللَّهُ عَنْهَا» اللہ ان سے راضی ہو – «قَالَتْ» (انہوں نے) کہا: – «حَضَرْتُ» میں حاضر ہوئی – «رَسُولَ اللَّهِ» اللہ کے رسول کے پاس – «صَلَّى اللَّهُ عَلَيْهِ وَآلِهِ وَسَلَّمَ» اللہ کی رحمت ہو ان پر اور ان کی آل پر سلامتی ہو – «فِي أُنَاسٍ» کچھ لوگوں میں – «وَهُوَ يَقُولُ» اور آپ فرما رہے تھے: – «لَقَدْ هَمَمْتُ» یقیناً میں نے ارادہ کیا – «أَنْ أَنْهَى» کہ میں منع کر دوں – «عَنِ الْغِيلَةِ» غیلہ سے (دودھ پلانے کی مدت میں ہم بستری) – «فَنَظَرْتُ» پھر میں نے دیکھا – «فِي الرُّومِ» روم – «وَفَارِسَ» اور فارس (کے لوگوں) میں – «فَإِذَا هُمْ» تو اچانک وہ – «يُغِيلُونَ» غیلہ کرتے ہیں – «أَوْلَادَهُمْ» اپنی اولاد کے ساتھ – «فَلَا يَضُرُّ» تو نقصان نہیں دیتا – «ذَلِكَ» یہ – «أَوْلَادَهُمْ» ان کی اولاد کو – «شَيْئًا» کچھ بھی – «ثُمَّ» پھر – «سَأَلُوهُ» انہوں نے آپ سے پوچھا – «عَنِ الْعَزْلِ» عزل کے بارے میں – «فَقَالَ» تو فرمایا – «رَسُولُ اللَّهِ» اللہ کے رسول نے – «صَلَّى اللَّهُ عَلَيْهِ وَآلِهِ وَسَلَّمَ» اللہ کی رحمت ہو ان پر اور ان کی آل پر سلامتی ہو – «ذَلِكَ» یہ – «الْوَأْدُ» زندہ درگور کرنا ہے – «الْخَفِيُّ» پوشیدہ۔ – «رَوَاهُ» اسے روایت کیا – «مُسْلِمٌ» مسلم نے۔
اور سیدہ جذامہ بنت وہب رضی اللہ عنہا سے روایت ہے، انہوں نے کہا: میں کچھ لوگوں کے ساتھ رسول اللہ صلی اللہ علیہ وآلہ وسلم کی خدمت میں حاضر ہوئی اور آپ فرما رہے تھے: ”میں نے ارادہ کیا تھا کہ غیلہ (دودھ پلانے والی بیوی سے ہم بستری) سے منع کر دوں، پھر میں نے روم اور فارس کے لوگوں کو دیکھا کہ وہ غیلہ کرتے ہیں اور اس سے ان کی اولاد کو کچھ نقصان نہیں ہوتا۔“ پھر لوگوں نے آپ سے عزل کے بارے میں پوچھا تو رسول اللہ صلی اللہ علیہ وآلہ وسلم نے فرمایا: ”یہ پوشیدہ طور پر زندہ درگور کرنا ہے۔“ اسے مسلم نے روایت کیا ہے۔ [بلوغ المرام/حدیث: 877]