امام صاحب اپنے پانچ اساتذہ کی اسناد سے ہشام بن عروہ کی سند سے ہی مذکورہ بالا روایت بیان کرتے ہیں، ہشام کے شاگرد جریر کی روایت میں یہ اضافہ ہے کہ حضرت بریرہ رضی اللہ عنہا کا خاوند غلام تھا، اس لیے (بریرہ کی آزادی پر) آپ صلی اللہ علیہ وسلم نے اسے اختیار دیا (کہ وہ اس کے نکاح میں رہے یا نہ رہے) تو انہوں نے اپنے لیے علیحدگی پسند کی اور اگر وہ (شوہر) آزاد ہوتا، تو آپ صلی اللہ علیہ وسلم انہیں (بریرہ رضی اللہ عنہا کو) اختیار نہ دیتے، اور ان حضرات کی روایت میں «أَمَّا بَعْدُ» ”اما بعد“ کا لفظ نہیں ہے۔ [صحيح مسلم/كتاب العتق/حدیث: 3780]