حدیث حاشیہ:
فوائد ومسائل:
محاسبہ یا حساب کی دوصورتیں ہیں،
(1)
انسان کے سامنے اس کے گناہ پیش کرکے،
اس سے اعتراف واقرار کرواکر،
اس کو معاف کردینا،
جیسا کے حضرت ابن عمر کی روایت،
کتاب التوبہ میں،
اللہ کی بندہ کے ساتھ سرگوشی کے سلسلہ میں گزر چکی ہے کہ اللہ تعالیٰ قیامت کے دن مومن کو اپنے قریب کرے گا اور اس کو اپنے کنف (پہلو)
میں لےکر اس سے اس کے گناہ کا اقرار کروائے گا اور پوچھے گا هل تعرف کیا ان کو پہچانتے ہو؟وہ عرض کرے گا،
پہچانتا ہوں،
اللہ فرمائے گا،
میں نے دنیا میں تیرے ان گناہوں پر پردہ ڈالا اور آج تمہیں معاف کرتا ہوں،
اس کو حسابا يسيرا (آسان حساب)
سے تعبیر کیا گیا۔
گویا مطلق بلا قید حساب سے مراد مناقشہ ہے اور حساب یسیر جس میں یسیر کی قید ہے اس سے مناقشہ مراد نہیں ہے بلکہ محض پیشی مراد ہے۔
(2)
محاسبہ،
مناقشہ کے معنی میں ہے کہ اس سے پوچھا جائے گا اور یہ گناہ کیوں کیا تھا،
جس سے یہ سوال ہوگیا،
وہ مارا گیا اور دوزخ کا شکار ہوگیا۔