حدیث حاشیہ:
فوائد ومسائل:
انسان کی نظر جب اپنے سے زیادہ مال و دولت والے پر پڑتی ہے،
یا اپنے سے زیادہ حسین و جمیل انسان کو دیکھتا ہے،
تو دل میں کہتری اور کم تری کا احساس نمایا ہوتا ہے،
جس سے اللہ کی نعمتوں کے احساس کا جذبہ ماند پڑتا ہے اور شکر گزاری کا جذبہ نہیں ابھرتا،
بلکہ بسا اوقات ناشکر گزاری اور نمک حرامی کے جذبات پرورش پانے لگتے ہیں،
اس کے برعکس جب مال و دولت اور حسن وجمال میں کم شخص پر نظر پڑتی ہے،
تو اس کے اندر اپنی برتری اور بلندی کا احساس پیدا ہوتا ہے،
اللہ تعالیٰ کی نعمتوں کی قدر محسوس ہوتی اور جذبہ سپاس و شکر گزاری ابھرتا ہے،
جیسا کے اگلی حدیث میں وضاحت کر دی گئی ہے،
انسان اگر راحت و سکون کی زندگی چاہتا ہے،
غم و فکر اور پریشانی سے بچنا چاہتا ہے،
تو اسے اپنے سے کم تر پر نظر رکھنی چاہیے،
کبھی بھی اپنے سے بالاتر کو دیکھ کر احساس محرومی میں مبتلا نہ ہو۔