سیدنا انس بن مالک رضی اللہ عنہ نبی صلی اللہ علیہ وسلم سے روایت کرتے ہیں کہ جب کبھی اللہ تعالیٰ کسی شخص کو کسی بدنی آزمائش میں مبتلا کرتا ہے تو جب تک وہ بیمار رہتا ہے اس کے وہی اعمال لکھے جاتے ہیں جو وہ حالت صحت میں کیا کرتا تھا، اگر مریض کو اللہ نے شفا عطا کر دی تو میرا خیال ہے کہ آپ صلی اللہ علیہ وسلم نے فرمایا: ”اس کے گناہ دھو دیے اور اگر اللہ نے اسے اٹھا لیا تو اس کی مغفرت فرما دی۔“ اور ایک روایت میں ہے: ”اگر اللہ اسے شفا دے دے تو اسے گناہوں سے دھو دیتا ہے۔“ [صحيح الادب المفرد/حدیث: 386]