ابان بن عثمان سے مروی ہے کہ میں نے سیدنا عثمان رضی اللہ عنہ کو یہ کہتے ہوئے سنا کہ میں نے نبی صلی اللہ علیہ وسلم کو یہ فرماتے ہوئے سنا: ”جس نے ہر دن کی صبح کو اور ہر رات کی شام کو تین تین بار یہ کہا: «بسم الله الذى لا يضر مع اسمه شيء فى الأرض ولا فى السماء وهو السميع العليم»، ”اللہ کے نام سے ابتدا کرتا ہوں جس کے نام کے ساتھ کوئی چیز نہ زمین میں نقصان پہنچاتی ہے اور نہ آسمان میں اور وہ بڑا سننے والا اور بڑا علم والا ہے۔“ اس کو کوئی چیز بھی نقصان نہیں پہنچا سکتی۔“ انہیں ایک پہلو پر فالج ہو چکا تھا۔ سامع اس کو دیکھنے لگا وہ بھانپ گئے۔ فرمایا: حدیث تو ویسے ہی ہے جیسے میں نے تم سے بیان کی لیکن اس دن میں یہ دعا نہیں پڑھ سکا تاکہ اللہ کی تقدیر جاری ہو سکے۔ [صحيح الادب المفرد/حدیث: 514]