حارث بن مسلم تمیمی اپنے والد رضی اللہ عنہ سے اور وہ رسول اللہ صلی ‌اللہ ‌علیہ ‌وآلہ ‌وسلم سے روایت کرتے ہیں کہ آپ صلی ‌اللہ ‌علیہ ‌وآلہ ‌وسلم نے آہستگی سے ان سے فرمایا: ”جب تم نمازِ مغرب سے فارغ ہو جاؤ تو کسی سے بات کرنے سے پہلے سات مرتبہ یہ دعا پڑھو: «اللَّهُمَّ أَجِرْنِي مِنَ النَّارِ» ”اے اللہ! مجھے آگ سے بچا لے۔“ اگر تم نے یہ دعا پڑھ لی اور اسی رات فوت ہو جاؤ تو تمہارے لیے اس (آگ) سے خلاصی لکھ دی جائے گی۔ اور جب تم نمازِ صبح پڑھو تو اسی طرح کہو، اگر تم اسی دن فوت ہو گئے تو تمہارے لیے اس (آگ) سے خلاصی لکھ دی جائے گی۔“ حسن، رواہ ابوداؤد۔ [مشكوة المصابيح/كتاب الدعوات/حدیث: 2396]