میمونہ رضی اللہ عنہا کے بھانجے یزید بن الاصم، میمونہ رضی اللہ عنہا سے روایت کرتے ہیں کہ رسول اللہ صلی ‌اللہ ‌علیہ ‌وآلہ ‌وسلم نے ان سے شادی کی تو آپ صلی ‌اللہ ‌علیہ ‌وآلہ ‌وسلم محرم نہیں تھے۔ الشیخ الامام محی السنہ رحمہ اللہ بیان کرتے ہیں کہ اکثر محدثین کا یہ موقف ہے کہ آپ صلی ‌اللہ ‌علیہ ‌وآلہ ‌وسلم نے ان سے شادی کی تو آپ صلی ‌اللہ ‌علیہ ‌وآلہ ‌وسلم محرم نہیں تھے، جبکہ آپ صلی ‌اللہ ‌علیہ ‌وآلہ ‌وسلم نے حالتِ احرام میں اس معاملے کو ظاہر فرمایا۔ پھر آپ صلی ‌اللہ ‌علیہ ‌وآلہ ‌وسلم نے مکہ کے راستے میں مقامِ سرف پر ان سے خلوت اختیار کی، جبکہ آپ صلی ‌اللہ ‌علیہ ‌وآلہ ‌وسلم حالتِ احرام میں نہیں تھے۔ رواہ مسلم۔ [مشكوة المصابيح/كتاب المناسك/حدیث: 2683]