جابر رضی اللہ عنہ بیان کرتے ہیں، رسول اللہ صلی ‌اللہ ‌علیہ ‌وآلہ ‌وسلم نے لاٹھی، کوڑے، رسی اور اس سے ملتی جلتی چیزوں کے بارے میں ہمیں رخصت عنایت فرمائی کہ: ”آدمی اس طرح کی گری پڑی چیز کو اٹھا کر استعمال کر لے۔“ (اسنادہ ضعیف، رواہ ابوداؤد)۔ «وُذِكِرَ حَدِيثُ الْمِقْدَامِ بْنِ مَعْدِي كَرِبَ: أَلَا لَا يَحِلُّ فِي بَابِ الِاعْتِصَامِ» اور مقدام بن معدی کرب رضی اللہ عنہ سے مروی حدیث «أَلَا لَا يَحِلُّ» ”آگاہ رہو! حلال نہیں ہے“ باب الاعتصام میں ذکر کی گئی ہے۔ [مشكوة المصابيح/كتاب البيوع/حدیث: 3040]