تمیم داری رضی اللہ عنہ بیان کرتے ہیں، میں نے رسول اللہ صلی ‌اللہ ‌علیہ ‌وآلہ ‌وسلم سے اہل شرک میں سے اس آدمی کے بارے میں مسئلہ دریافت کیا، جو کسی مسلمان شخص کے ہاتھوں پر اسلام قبول کر لے (کہ اس کا شرعی حکم کیا ہے)؟ تو آپ صلی ‌اللہ ‌علیہ ‌وآلہ ‌وسلم نے فرمایا: ”وہ اس کی حیات و ممات کے بارے میں تمام لوگوں سے زیادہ حق دار ہے۔“ حسن، اسے ترمذی، ابن ماجہ اور دارمی نے روایت کیا ہے۔ [مشكوة المصابيح/كتاب الفرائض والوصايا/حدیث: 3064]