ابو غالب سے روایت ہے کہ ابوامامہ رضی اللہ عنہ نے دمشق کے راستے پر کچھ (کاٹ کر) نصب کیے ہوئے سر دیکھے تو ابوامامہ رضی اللہ عنہ نے فرمایا: ”(یہ) جہنم کے کتے ہیں، آسمان کے تلے یہ بدترین مقتول ہیں، اور انہوں نے جنہیں قتل کیا ہے وہ بہترین مقتول ہیں۔“ پھر انہوں نے یہ آیت تلاوت فرمائی: ﴿يَوْمَ تَبْيَضُّ وُجُوهٌ وَتَسْوَدُّ وُجُوهٌ﴾ [سورة آل عمران: 106] ”جس دن کچھ چہرے سفید ہوں گے اور کچھ چہرے سیاہ ہوں گے۔“ ابوامامہ رضی اللہ عنہ سے پوچھا گیا: کیا آپ نے اسے رسول اللہ صلی ‌اللہ ‌علیہ ‌وآلہ ‌وسلم سے سنا ہے؟ انہوں نے فرمایا: ”اگر میں نے اسے (بار بار) سات مرتبہ تک نہ سنا ہوتا تو میں اسے تم سے بیان نہ کرتا۔“ (ترمذی، ابن ماجہ) اور امام ترمذی رحمہ اللہ نے فرمایا: یہ حدیث حسن ہے۔ اسنادہ حسن، رواہ الترمذی و ابن ماجہ۔ [مشكوة المصابيح/كتاب القصاص/حدیث: 3554]