جابر بن عبداللہ رضی اللہ عنہما بیان کرتے ہیں کہ عمر بن خطاب رضی اللہ عنہ نے مجھے بتایا کہ انہوں نے رسول اللہ صلی ‌اللہ ‌علیہ ‌وآلہ ‌وسلم کو فرماتے ہوئے سنا: ”میں یہود و نصاریٰ کو جزیرۂ عرب سے نکال دوں گا حتی کہ میں اس میں صرف مسلمانوں ہی کو رہنے دوں گا۔“ اسے مسلم نے روایت کیا ہے۔ اور ایک روایت میں ہے: ”اگر میں ان شاء اللہ زندہ رہا تو میں یہود و نصاریٰ کو جزیرۂ عرب سے نکال دوں گا۔“ اسے مسلم نے روایت کیا ہے۔ «لَيْسَ فِيْهِ إِلَّا حَدِيْثُ ابْنِ عَبَّاسٍ رَضِيَ اللهُ عَنْهُمَا: لَا تَكُوْنُ قِبْلَتَانِ، وَقَدْ مَرَّ فِيْ بَابِ الْجِزْيَةِ» ”اس میں ابن عباس رضی اللہ عنہما سے مروی ایک ہی حدیث ہے: ایک ریاست میں دو قبلے (یعنی دو دین) نہیں ہو سکتے۔“ جو کہ باب الجزیہ میں گزر چکی ہے۔ [مشكوة المصابيح/كتاب الجهاد/حدیث: 4053]