جابر رضی اللہ عنہ سے روایت ہے کہ نبی صلی ‌اللہ ‌علیہ ‌وآلہ ‌وسلم ایک انصاری صحابی کے پاس تشریف لے گئے اور آپ کے ساتھ آپ کے ایک ساتھی بھی تھے، آپ صلی ‌اللہ ‌علیہ ‌وآلہ ‌وسلم نے سلام کیا تو اس آدمی نے سلام کا جواب دیا جبکہ وہ آدمی باغ کو پانی لگا رہا تھا، نبی صلی ‌اللہ ‌علیہ ‌وآلہ ‌وسلم نے فرمایا: ”اگر تیرے پاس رات کا باسی پانی مشکیزے میں ہے تو ٹھیک ورنہ ہم تالاب سے منہ لگا کر پی لیتے ہیں۔“ اس آدمی نے عرض کیا: میرے پاس رات کا باسی پانی ہے، وہ سائبان کی طرف گیا، پیالے میں پانی ڈالا پھر اس پر گھر میں پلی ہوئی بکری کا دودھ دوہا (اور اسے آپ صلی ‌اللہ ‌علیہ ‌وآلہ ‌وسلم کی خدمت میں پیش کیا) تو نبی صلی ‌اللہ ‌علیہ ‌وآلہ ‌وسلم نے نوش فرمایا، پھر وہ دوبارہ لایا تو اس آدمی نے پیا جو آپ کے ساتھ تھا۔ [رواہ البخاری] [مشكوة المصابيح/كتاب الأطعمة/حدیث: 4270]