عبداللہ بن بریدہ رحمہ اللہ بیان کرتے ہیں کہ ایک آدمی نے فضالہ بن عبید رضی اللہ عنہ سے کہا: کیا وجہ ہے کہ میں آپ کے بال بکھرے ہوئے دیکھتا ہوں؟ انہوں نے کہا: کیونکہ رسول اللہ صلی ‌اللہ ‌علیہ ‌وآلہ ‌وسلم ہمیں ”زیادہ ناز و نعمت“ سے منع فرمایا کرتے تھے، اس شخص نے کہا: کیا وجہ ہے کہ میں آپ کو ننگے پاؤں دیکھتا ہوں؟ انہوں نے کہا: رسول اللہ صلی ‌اللہ ‌علیہ ‌وآلہ ‌وسلم ہمیں حکم فرمایا کرتے تھے کہ ”ہم کبھی کبھار ننگے پاؤں چلا کریں۔“ (سندہ ضعیف، رواہ ابوداؤد) [مشكوة المصابيح/كتاب اللباس/حدیث: 4449]