عطاء بن یسار رحمہ اللہ سے روایت ہے کہ ایک آدمی نے رسول اللہ صلی ‌اللہ ‌علیہ ‌وآلہ ‌وسلم سے مسئلہ دریافت کرتے ہوئے عرض کیا: کیا میں اپنی ماں (کے پاس جاتے وقت اس) سے اجازت طلب کروں؟ آپ صلی ‌اللہ ‌علیہ ‌وآلہ ‌وسلم نے فرمایا: ”ہاں۔“ اس آدمی نے عرض کیا، میں گھر میں اس کے ساتھ ہی رہتا ہوں، رسول اللہ صلی ‌اللہ ‌علیہ ‌وآلہ ‌وسلم نے فرمایا: ”پھر بھی اس سے اجازت طلب کرو۔“ اس آدمی نے عرض کیا: میں اس کا خادم ہوں، رسول اللہ صلی ‌اللہ ‌علیہ ‌وآلہ ‌وسلم نے فرمایا: ”پھر بھی اجازت طلب کرو، کیا تم اسے عریاں حالت میں دیکھنا پسند کرتے ہو؟“ اس نے عرض کیا: نہیں، آپ صلی ‌اللہ ‌علیہ ‌وآلہ ‌وسلم نے فرمایا: ”اس سے اجازت طلب کرو۔“ امام مالک رحمہ اللہ نے اسے مرسل روایت کیا ہے۔ «إِسْنَادُهُ ضَعِيفٌ لِإِرْسَالِهِ» ”اس کی سند اس کے مرسل ہونے کی وجہ سے ضعیف ہے“، «رَوَاهُ مَالِكٌ» ”اسے مالک نے روایت کیا ہے“۔ [مشكوة المصابيح/كتاب الآداب/حدیث: 4674]